Pelumenus labarik na'in 24 mate
ona dezde loron-sesta iha norte Papua Nova Guiné tanba moras ida ne'ebé seidauk
identifika, informa hosi "media" lokal sira iha loron-tersa ne'e.
Vítima sira maka labarik sira
entre tinan ida to'o tinan sanulu hosi provínsia Morobe, iha kosta norte hosi
illa Nova Guiné, provínsia boot liu hosi nasaun, haktuir hosi Radio New
Zealand.
Autoridade sira hosi Papua Nova
Guiné konsidera posibilidade hanesan mehar maka'as, pneumonia ka malária,
hatete hosi funsionáriu ida saúde nian ba rádio, hodi garanti mós katak sira
hein hela rezultadu sira hosi ezame klíniku sira hodi determina moras ne'ebé
halo mós ferik ida mate.
Ekipa médika ida sei destaka iha
findesemana oinmai ba zona ne'e ho ai-moruk sira no vasina sira.
SAPO TL ho Lusa
Sem comentários:
Enviar um comentário