PNTL Kaptura Tan Autor Rama Ambon

DILI - Polisia Nasional Timor Leste (PNTL), iha loron Kuarta (02/05) kaptura tan autor ba rama ambon nain ida iha Postu Administrativu Atsabe, Munisipiu Ermera.

Kapturasaun nee PNTL Komandu Munisipiu Emera halao, tanba kumpri mandadu detensaun husi Tribunal Distrital Dili (TDD), ho numeru NUC 0669/17 DNFT hodi kaptura autor Rama Ambon ho inisial CG iha parte Atsabe.

Tuir Segundu Komandante PNTL Munisipiu Dili, Superintendente Assistente  Polisia, Euclides  Belo hateten, tuir kompetensia neebe mak iha komandu PNTL munisipiu Dili simu delegasaun kompetensia, no simu mandadu hodi ezekuta deit.

“Purtantu ami ezekuta dadauk ona, ami nia pesoal sira, ami kaptura tan suspeitu rama ambon,” dehan Euclides ba Jornalista iha nia knarfatin iha KMD Caicoli, Dili, Kuarta, (30/04/2018).

Enkuantu nia hateten, Kazu rama ambon neebe akontese iha fulan abril nia laran neebe akopntese hanesan iha area Pantai kelapa neebe supeitu uza rama ambon hodi tiru vitima feto ida, oras nee mos hetan ona kapturasaun husi Polisia Nasional Timor Leste munisipiu Dili, no aprezenta ona ba Tribunal, tanba Tribunal mak iha kompetensia tomak ba hodi foti medida.

Aliene nee Komandu Polsiia Munisipiu Dili, liu husi servisu Investigasaun iha loron Segunda (30/04) kumpri mandadu husi Tribunal Distrital Dili (TDD), ho numeru NUC 0669/17 DNFT hodi kaptura Autor Rama Ambon ho inisial CSB iha area Tasi Tolu. 

Notisia kompletu lee iha jornal STL edisaun Kinta, (03/05/2018)

Luciana Ximenes | Suara Timor Lorosae