DILI, (TATOLI) – Governu
da-ualu kompromete sei apoiu Komisaun Funsaun Públika (KFP) hodi hasa’’e
prestasaun servisu ba públíku ho lais, imparsiál nomós hahalok Korupsaun,
Kolusaun no Nepotizmu.
Ministru Reforma Lejizlativa no
Asuntu Parlamentár, Fidelis Leite Magalhães, bainhira lee lee mensajen
Primeiru-Ministru, Taur Matan Ruak, durante komemora loron nasionál Funsaun
Públika ba da-haat iha salaun katedrál Villa-verde, ohin.
“Kompromisu governu maka atu
hadi’a administrasaun públiku ida modernu, la’o di’ak no lais liután, nune’e
mós besik liu no moosʺ, dehan governante
ne’e.
Governasaun da-ualu hakarak
implementa prinsípiu fundamentál importante hodi orienta
funsionáriu públiku iha servisu fatin, hanesan unidade, asaun,
responsabilidade, promove ekonómia.
Funsionáriu sira tenke servisu ho
responsabilidade, profesionalismu, imparsiál atu serbí povu hodi la haree ba
rasa, kór, grupu ka partidu.
Prezidente KFP, Faustino Cardoso,
hateten sei hadiak di’ak liután prestasaun servisu públiku ba povu ho di’ak no
lais liután.
ʺHusu
ba funsionáriu públiku hotu atu nakloke hodi rona, simu preokupasaun no krítika
sira maihosi povu no públiku hodi buka hadi’a liután ita nia komportamentu,
hahalok serbíʺ, hateten nia hafoin misa
agradesementu iha Igreja Katedral.
Faustino mós husu ba
governu hodi kria politika di’ak atu hatan ba preokupasaun públiku ba
dezenvolvimentu servisu administrasaun públika.
Komemorasaun loron ne’e ho misa
agradesementu ne’ebé partisipa hosi funsionáriu públiku hosi instituisaun
Estadu hotu.
Tema ba tinan ne’e maka, Fortalecendo
a Lideranca e Gestão Pela Melhoria da Prestacão de Servicos públicas e
desenvolvimento infra-estruturas Basicas em Timor Leste.
Konstituisaun RDTL artigu 103
defini Governu, orgaun soberanu ida-ne’ebé iha responsabilidade atu hala’o no
ezekuta polítiku jerál Nasaun nian nomós orgaun superiór Administrasaun Públika
nian.
Jornalista: Agapito dos Santos | Editora:
Rita Almeida
Imajen: Ministru Reforma
Lejizlativa no Asuntu Parlamentár, Fidelis Leite Magalhães. Foto Egas Cristovão
Sem comentários:
Enviar um comentário