quinta-feira, 5 de julho de 2018

Korresaun Máteria Kandidatu Traballadór Korea Sei Fó Sai Bainhira Fixa Ona

PARTILHAR

DILI, (TATOLI) – Diretór Nasionál Empregu Sekretáriu Estadu Formasaun Profisionál no Empregu (SEFOPE), Lúcio B. dos Santos, haktuir rezultadu korresaun máteria ezame ba kandidatu traballadór korea hamutuk 7.255 ne’ebé atu tuir kursu lia-korea nian sei públika iha tempu badak bainhira fixa hotu ona.

“Ekipa halo korresaun iha tempu señor Nívio nian, maibé até agora iha buat ki’ikoan balun ne’ebé seidauk finaliza, ita hein iha tempu besik iha ona ami sei aprezenta ba Diretór Jerál nomós membru Governu, fiksa ona entaun anúnsiu ba públiku na’in hira mak liu no laliu ba teste ida ne’e”, Lúcio hatete iha Kaikoli, ohin.

Lúcio hatutan korresaun ba matéria teste ne’e hotu ona, maibé iha fallansu ki’ik kona-ba naran, tanba ema barak loos nune’e iha balun naran laiha, maibé tuir de’it.

“Balun prienxe naran sala, ida ne’e mak sai komplikadu tiha ba ekipa ida halo korresaun ne’e, mas korresaun hotu ona, maibé atu fó sai loos hira mak tuir, hira mak iha kartaun evidénsia no laiha komplikadu tanba iten ne’e hira kedan tanba ne’e maka sei haree didi’ak, ha’u lapromete data, maibé iha tempu besik finaliza ona depois sei fó sai ba públiku”.

Konkorrente sira ne’e tuir teste iha loron 17 no 18 abríl 2018 iha Sekretáriu Estadu Juventude no Traballu (SEJT), Nívio Leite Magalhães, nia tempu iha Sétimu Governu no halo korresaun iha juñu foin lalais ne’e no hein atu fó sai rezultadu de’it.

Jornalista: Maria Auxiliadora | Editora: Rita Almeida

Imajen: Foto/Google.
PARTILHAR

Author: verified_user

Publicação luso-timorense sem fins lucrativos

0 comentários: