Marcelo sei defende "empeñu brazileiru" iha CPLP iha enkontru ho Bolsonaro

Prezidente foun Brazil nian, Jair Bolsonaro, simu iha loron-kuarta ne'e, iha Brazilia, ninian omólogu portugués, iha enkontru ida ne'ebé maka Marcelo Rebelo de Sousa hakrak defende "empeñu brazleiru" iha CPLP.

Marcelo Rebelo de Sousa asiste Jair Bolsonaro simu pose iha loron-tersa ne'e, iha Brazilia, no hatete katak hakarak koalia iha loron-kuarta ne'e konabá komunidade portugueza sira no brazileira iha nasaun rua ne'e, konferénsia oseanu nian, relasaun sira entre Uniaun Europeia/Mercosul no Komunidade Nasaun sira Lian Portugueza nian (CPLP).

"Sem Brazil la iha CPLP. Brazil nu'udar poténsia mundial, nu'udar nasaun lider Mercosul nian, iha peso fundamental iha universu latinu-amerikanu", hatete xefe Estadu portugués ba jornalista sira iha Brazilia.

Tuir Marcelo Rebelo de Sousa, "Brazil tenki empeñeadu klean iha CPLP" hodi komunidade lian portugueza bele iha "pezu iha mundu".

"Ida ne'e maka ha'u sei hatete ba Prezidente Bolsonaro. Ida ne'e maka ha'u espera hodi rona iha ninian parte", nia akresenta tan, iha aluzaun ida ho enkontru ne'ebé maka marka ba oras lokal 10:45, iha Palasiu Planalto, iha Brazilia.

Xefe Estadu portugués asume katak enkontru, meia ora nian ne'e, "tenki forte, no konsentradu liu konabá tema sira".

"Tenki tau hotu iha eskema ida ne'ebé determinadu, forte no klaru", hatete ba jornalista sira hafoin serimonia pose Jair Bolsonaro nian.

Diplomata portugués Francisco Ribeiro Telles, ne'ebé maka asume kargu sekretariu ezekutivu CPLP nian iha loron-tersa ne'e mós asisti hotu pose ba Jair Bolsonaro nian, hanesan mós prezidente iha ezersisiu komunidade luzofona nian, xefe Estadu Cabo Verde nian, Jorge Carlos Fonseca, ne'ebé maka viaja ba Brazilia ho Marcelo Rebelo de Sousa.

Alende Portugal, Brazil no Cabo Verde, integra mós iha CPLP hanesan Angola, Guiné-Bisau, Guiné Ekuatorial, Mosambike, São Tomé & Príncipe ho Timor-Leste.

Antes Prezidente portugués, Bolsonaro mós simu sekretariu Estadu norte-amerikanu, Mike Pompeo, no depois primeiru-ministru Hungria nian, Viktor Orbán, no vise-prezidente komité permanente Asembleia Popular Nasional Xina nian, Ji Bingxuan, tuir Governu brazileiru.

Bolsonaro sei akompañadu hosi ministru Relasaun Esterior nian, Ernesto Araújo, ne'ebé maka hahú ninian loron dahuluk serbisu nian na ezekutivu brazileiru foun ho reuniaun ho ninian omólogu Angole nian, Manuel Domingos Augusto.

Jair Bolsonaro simu pose nu'udar Prezidente Republika Federativa Brazil nian ba dala 38, tuir Michel Temer, ne'ebé maka asume xefia Estadu nian iha fulan Agostu 2016, hafoin demisaun Dilma Rousseff nian, ne'ebé maka nia hanesan vise-prezidente.

SAPO TL ho Lusa