DILI, 11 maiu 2019 (TATOLI) - Prezidente
Repúblika, Francisco Guterres Lú-Olo, sei fó indultu ba dadur sira iha Prizaun
Becora, Gleno ho Suai, tuir lei haruka.
“Prezidente Repúblika sei fó
indultu ba dadur (rekluzu) tenke tuir lei. Se, dadur sira seidauk iha prizaun
to’o um terço de pena, ida ne’e ha’u seidauk fó indultu”, afirma
Prezidente Repúblika, Francisco Guterres Lú-Olo, hodi responde
jornalista sira, hafoin halo enserramentu ba konferénsia internasionál,
Dili Diálogu Forum, Sesta (10/5/2019), iha Salaun São José, Katedrál, Dili.
Xefe Estadu, friza katak, kuandu
dadur sira kumpre ona metade pena, sira iha direitu atu hetan liberdade
kondisionál, maibé molok fó indultu ba sidadaun sira ne’ebé iha prizaun tenke
observa limite ne’ebé lei estabelese.
Nia dehan, tuir kompeténsia Prezidente
Repúblika nian atu fó indultu ba dadur sira mós tenke tuir lei, nune’e maka
presiza haree didi’ak hafoin ba oin bele fó liberdade.
Iha lei ne’ebé mak vigor hela,
iha kláuzula ida hateten katak krime organizadu sira hanesan terrorizmu, trans
nasionál, tráfiku umanu no halo korrupsaun ativa, hirak komete iha tipu krime
sira ne’e, Prezidente Repúblika sei la fó indultu.
Jornalista :
Zezito Silva | Editór
: Francisco Simões
Imajen: Prezidente Repúblika,
Francisco Guterres Lú Olo. Imajen/Antonio Goncalves
Sem comentários:
Enviar um comentário