DILI, 13 outubru 2020 (TATOLI) - Ministra Saúde Odete Maria Freitas Belo, informa Timor-Leste sei kontinua enfrenta problema mánutrisaun hasoru feto no labarik sira tanba ho persentajen aas iha Rejiaun Sudeste Aziátiku.
Odete Maria Freiats Belo, hato'o asuntu ne'e bainhira partisipa serimonia lansamentu kona-ba adezaun Timor Leste nian ba movimentu Aumentando a nutrição iha Salaun Ministériu Finansa Ai-Tarak-Laran, tersa ne'e.
Tuir dadus peskiza demografiku tinan 2016 katak labarik tinan lima mai kraik perseguentu 47% mak ra'es badak, não 24% isin krekas 6%, obesidade kuaze 40% mak labarik sira ne'ebé hetan anemia nenhum táxon susu estado inan exkluzivu ba labarik husi 50% iha mós labarik tinan 6 to'o 23 hamutuk 13% mak konsidera dieta minimal ne'ebé mak aseitavel.
”Haree fali ba nutrisaun maternál nian situasaun nutrisaun mós sei nafatin aas entre feto ho idade 15 to’o 49 feto hamutuk 27% mak sei enfrenta menus nutrisaun no iha 23% feto husi idade 15 to’o 49 mak hetan anemia,” informa Governante.
Kauza husi problema mánutrisaun maka prátika fó hahán ba bebé no labarik ki’ik ne’ebé la adekuadu, problema saneamentu, menus ai-han, seidauk iha prátika ijiéne ne’ebé di’ak no promosaun saúde no servisu nutrisaun ne’ebé seidauk adekuadu.
Atu responde ba situasaun ne’e, Governu liuhosi Ministériu Saúde kontinua fó formasaun saúde kona-ba aihan saudaven no nutritivu, susuben inan exkluzivu, distribuisaun suplementu hanesan mikronutriente rahun vitamina A no albandazole, halo tratamentu ba labarik ho problema mánutrisaun aguda, moderadu no seluk tan.
Ministériu Saúde dezenvolve ona estratejia nutrisaun ba setór saúde nian no halo mós peskiza aihan no nutrisaun iha Timor-Leste.
”Profisionál saúde sira servisu hamutuk ho parseiru dezenvolvimentu no sosiedade sivíl sira atu kontinua prepara koordena no responde ba situasaun iha futuru maibé esforsu barak mak ami halo ona maibé sei presiza nafatin mudansa atu hadi’a liu situasaun hirak ne’e tanba ne’e liu husi Timor-Leste sai hanesan membru ba movimentu hadi’a nutrisaun ami mós iha komitmentu hakarak hadi’a liután situasaun nutrisaun ba labarik, inan no família iha Timor-Leste,” katak Odete.
Jornalista: Felicidade Ximenes | Editór: Agapito dos Santos
Notísia Relavante:
Sem comentários:
Enviar um comentário