Dili,
(ANTIL) – Preparasaun durante ne’e laiha koordenasaun ne’ebé hatudu duni
profesionalizmu entre orgaun estadu no governu tanba eleisaun suku halo
alterasaun bebeik, hateten Observadór Polítiku, Natalino de Jesus G. Soares ba
ANTIL liu hosi via telefónika, Kuarta (14/9).
Tuir
Obsevadór Polítiku, alterasaun eleisaun suku ne’e realistiku tanba orgaun
ne’ebé mak hala’o eleisaun xefe suku laiha kondisaun ne’ebé adekuadu hodi
implementa eleisaun iha loron 30 fulan Setembru ne’e, ne’e duni hatudu momós
katak STAE mós arogante hodi kopera ho CNE atu bele hatudu profesionalizmu
servisu.
Orsamentu
ba eleisaun suku mós seidauk klaru no orgaun independente ne’ebé halo
supervizaun no atu halo observasaun ba eleisaun xefe suku mós la klaru,
komunidade rasik mós ladun hatene informasaun ho nia mekanizmu eleisaun laó
oinsa tanba modelu eleisaun agora diferente.
Natalino
de Jesus G. Soares lamenta tamba regulamentu rasik mós la estabelese, wainhira
hamósu konflitu ruma entre kandidatu sira ne’e iha anunsiu rezultadu eleisaun,
se mak bele asegura situasaun iha momentu ne’eba.
Regulamentu
mós sai hanesan indikador ida katak laiha preparasaun diak wainhira muda data
eleisaun neé realistiku no ideal.
Relasiona
ho asuntu ne’e, Ministru Estadu Koordenadór ba Asuntu Administrasaun Estadu e
Justisa no Ministru ba Administrasaun Estatál ba ANTIL via mídia sosiál,
Kuarta, (14/9), esplika, razaun alterasaun ne’e atu fó tempu ba Estatal atu
alarga liu tan área sosializasaun hamutuk ho munisípiu no fó tempu ba
sosializasaun ne’ebé kle’an.
Ministru
Koordenadór hatutan, mudansa ne’e sei halo tuir nafatin mandatu tuir segunda
alterasaun ba lei númeru 3/2009 kona-ba lideransa komiunitaria ne’ebé revoga
ona ho lei númeru 9/2016 kona-ba eleisaun suku nian ne’ebé promulga hosi
Prezidente Repúblika liu loron 30 fulan-Outubru 2016. (Jornalista: Zezito
Silva/Editor: Alberto Alves)
Sem comentários:
Enviar um comentário