Singapura,
Orlando Marques Henriques Mendes, idade tinan 49, treinador ekipa futebol U-23
ne’ebe mos hanesan Direitor Tekniku iha Federasaun Futebol Timor Leste (FFTL)
decide pronto atu lori ekipa futebol ne’ebe ba joga iha torneiu SEA GAMES lakon
ho ekipa Malaysia, ho osan ne’ebe promete husi sidadun Singapura nian ida ho
naran Rajendran Kurusamy, idade tinan 55.
Orlando
Marques halo kontratu ne’e hamutuk ho Eis Jogador Timor Oan ne’ebe mos hanesan
membru FFTL, Moises Natalino de Jesus, idade tinan 32 no mos Sidadaun Indonezia
nian, Nasiruddin, idade tinan 52.
Rajendran
ho Orlando halo negosiu atu fa’an Timor ho osan $15.000 iha loron 28 Maiu 2015
iha Orchid Country Cub iha Singapura. No polisi kaptura loron ida tuir mai ho
tulun membru Timor oan balun ne’ebe hola parte iha CPIB ou Corrupt Practices
Investigation Bureau.
Suspeitu
na’in ha’at ne’e hetan kapturasaun iha loron 29 Maiu no iha primeiru
interogatoriu tribunal Singapura nian, sira ne’ega negosiu fo’er ne’e no
prokurador tribunal nasaun refere deside atu kontinua fali julgamentu iha
semana oin.
Rajendran,
ema ne’ebe tenta atu sosa ekipa futebol Timor Leste, nu’udar mafiozu ne’ebe
tama ona kadeia dala rua desde tinan 1997 ho aktu hanesan.
Ekipa
Timor Leste rasik, iha jogu abertura iha Sabdu kalan (30/5) hasoru ekipa
Malaysia, simu derota ho rejultado 1-0. (*/The Straits Times/CJITL)
Sem comentários:
Enviar um comentário