MOSU ATENDEMENTU FAMILIARISMU IHA HNGV

Diretor Ezekutivu Hospital Nasional Guido Valadares (HNGV), José Antonio Guterres, rekoñese profisionais saúde sira halo atendementu familiarismu no nepostismu iha Hospital Nasional maibe la signifika hanesan trend ida ne’ebe maka akontese kada loron.

Tuir José katak, laos hanesan trend tanba medikus balun deit maka halo ,laos instituisaun tomak komete hahalok ida ne’e, tanba hanesan profisionais saúde komunga hela motto katak “servi ema seluk hanesan ita an rasik.

Atendementu profisionais saúde iha fasilidade publiku,hospitais ,sentru saude no postu saude,iha banku sempre iha avaliasaun publiku sempre iha duvidas konaba atementu la profisional nomos atendementu familiar

Nia parte rekoñese maibe labele jeneraliza, tanba dalaruma ema ida maka halo atendementu la profosional no familiar, dehan instituisaun ne’e hotu hotu halo hanesan ne’e.

“Ha’u la taka katak karik iha pratika sira hanesan ne’e hanesan hau nia avo,tian ,familia ka amigo hau tenke fo prioridade ka atende diak maibe ema ne’ebe maka lakonese ladun fo atendementu diak,maibe hau pesoal antes ne;e halo terbalik ba ema sira ne’ebe maka mai husi foho no maluk laiha hau fo prioridade liu ba sira tanba bazeia ma moto saude nian hadomi ema seluk hanesan an rasik”afirma Jose Antonio ba Jornalista iha Bidau Dili, Kuarta (27/05).

Tanba hanesan medikus ,pasiente ida mai husi foho tenke tau matan liu ba nia tanba laiha ema atu hein no ajuda I medikus barak maka fo prioridade ba ema ne’ebe maka familia laiha.

“Ha’u la nega pratika familiarimu iha atendementu ka nepostismu ne’e sempre iha maibe ida ne’e laos hanesan tren ida ne’ebe akontese loron loron iha hospital ne’e laiha”nia rekoñese

Antes ne’e ,Prezidente Komisaun F parlamentu Nasional ne’ebe maka trata asuntu edukasaun saude, Virgilio Hornai afirma katak, Ministeriu Saúde tenke hadia no kontrola prestasaun servisu hodi fo asistensia saúde publiku ho kualidade.

Reprezentante povu ne’e hatete lia hirak ne’e relasiona atendementu profisioanais saúde ba pasiente ladun familiar,tanba rekoperasaun pasiente liu husi atendementu ne’ebe maka ladiak husi profisionais sira.

“Boa vontade maka sei sai problema iha servisu prestasaun publiku emjeral,tanba ne’e ministeriu saude presiza hadia pestasaun servisu profisionais saude sira hodi fo atendementu saude ne’ebe maka diak ba sosiedade emjeral”afirma Virgilio Hornai ba jornalista sira iha sede postu administrativu Vera Cruz, Kinta (21/05).

Virgilio hatuir, enjeralmente servisu atendementu saúde publiku emjeral ladun diak tanba maneira atu atende pasiente ne’e maka ladun familiar.

Tanba Prezidenti komisaun F ne’e husu, ema ne’ebe maka profisionais saude sira servi ka atende, tenke servi pasiente hanesan nia an rasik, tanba ministeriu saúde komunga liafuan katak atendementu servi ema seluk hanesan ita án rasik.

Konaba jestor, Nia esplika jestores profisio nais iha Administrasaun publiku iha nivel birokrata kontinua fo formasaun kada tinan ba parteira dotor, emfermeirus, medikus espesialista maibe boa vontade maka sei sai nafatin problema iha prestasaun servisu saude publiku. eby

Jornal Nacional