MS HALAKON DIRESAUN ENFERMAJEN, HNGV HATAMA PROPOSTA REESTRUTURASAUN

Hospital Nasional Guido Valadares (HNGV ) hatama ona pedidu ba Ministeriu Saúde (MS)atu halo re-estruturasun ba hospital nasional tanba presiza duni diresaun enfermajen atu kontrola servisu, hadia atendementu emfermeirus.

“Ida ne’e (diresaun emfermajen red) ha’u nia esforsu ida ne’ebe maka hau halo liu husi hau nia konsellu diresaun foun.Agora dadaun HNGV uza dekretu numeru 11/2012 koalia konaba sistema nasional servisu hospitalar, halakon tiha diresaun emfermajem”Diretor HNGV esplika.

Nia dehan, HNGV iha diresaun apoiu diagnostiku no terapiotiku lolos ne’e iha diresaun ne’e nia okos tenke iha departementu ida ne’ebe maka kaer konaba emfermajem maibe realidade HNGV laiha.

“Ami hanoin katak emfermeirus sira tenke iha duni diresaun ida kusus ba sira espesial.entaun ha’u hali proposta ida ba Ministeriu anterior dotor Sergio katak presiza halo restruturasaun ba hospital ba organizasaun iha hospital I momentu ne’e ministru aprova tiha ona maibe ikus mai mudansa governu lakonsege,” afirma José Antonio Ba JN-Diário Iha Bidau Dili, Kuarta (27/05).

Maske lakonsege halo re-estruturasaun bazeia ba proposta tanba iha mudansa governu, maibe nia parte kontinua hato’o ona pedido ba ministra saude Maria do Ceo, I regulamentu internu hospital halo ona no haruka ona ba ministra atu estuda antes aprova.

Tuir José Antonio katak, dekretu lei la fo dalan atu loke diresaun emfermajem,tanba ne’e atu tau diresaun emfermjem tenke muda dekretu lei,I atu muda dekretu lei presiza tempu tanba ministra tenke lori ba luta iha konselu ministru atu aprova bele lori tempu tinan 2 ba leten.

Tanba ne’e nia parte foti deit kebijakan ida ,ministra bele halo despaixu ida ba regulamentu internu hospital nian hodi kria vagas ida asesoria ,diretores emfermajem ne’e bolu Vogal ka asesor I salariu local hodi halo servisu kargu diresaun emfermajem iha konsellu diretivu nia laran.

Agora dadaun konsellu diretivu HNGV komppostu husi Diretor ezekutivu,director kliniku,director adminitrasaun finansas I lonjistika,director apoiu diagnostiku terapiotiku tanba ne’e kria tan vaga ida ba direitor enfermajem atu forma konsellu diretivu nune bele reforsa emfermeirus sira no hadia atendementu emfermeirus.

Tuir jose katak, ministra dadaun sei iha estranjeiru hela, fila fali mai regulamentu internu HNGV ne’e aprova ona, meadus fulan Junu halo rekrutamentu ba posizaun ida ne’e. Ante ne’e mos Ministra Saude Maria do Ceo esplika, Ministeriu halakon Diresaun Emfermajen tanba bazeia ba estatutu ministeriu saude tinan 2012 nian, tanba ejijensia AETL ministeriu sei estuda no analiza.

“Diresaun emfermajen ministeriu Hasai bazia ba estatutu 2012 nian ,maibe atu kontinua fali diresaun ne’e ami sei estuda lai,karik iha nesesidade ruma ita tenke tau fali”Ministra Ceo Afirma ba Jornalista sira iha salaun MNEK, Pantai kelapa Kinta (15/05).

Nia dehan,dadaun ne’e ministeriu saude mos halo analiza ba ejijensia ne’e,maibe antes foti desizaun tanke halibur mos idea husi parte hotu.hare mos estrutura hospital nian nune reativa diresaun ne’e labele mosu fallansu.

Antes ne’e mos, Prezidente Asosiasaun Emfermeirus Timor Leste (AETL) Jose Amaral ejiji nafatin diresaun emfermajem ne’ebe maka MInisteriu saude halakon atu reativa fila fali hodi evalua servisu emfermeirus.

“Ami nian Ejijensia bo’ot ba HNGV pozisaun kargu importante atu kaer emfermeirus sira hodi elabora servisu emfermeirus ,evalua servisu emfermeirus nian, kargu ida uluk ita bolu diresaun emfermajen ne’ebe maka Ministeriu halakon tiha ona I kargu ne’e ami ejeji nafatin hanesan ejijensia AETL tenke hari’I fila fali”preokupa Prezidente AETL Jose Amaral.

Nia dehan, ejiensia seluk maka desde inisiu to’o agora emfermeirus sira seidauk simu dezisaun tomak implementasaun lei rejimi kareira espesial ,tanba AETL koalia bebeik ona ho ministeriu ,Parlamentu Nivel politika diferensia Lisensiadu Emfermaria ho Lisensiado medikus salariu bo’ot teb-tebes.

Dadaun ne’e AETL iha ona membrus 2700 emfermeirus ne’ebe maka halao knar iha parte governu, NGO, hospitais governu no hospitais privadu sira hotu iha TL. Eby

Jornal Nacional