DILI - Pensaun vitalisia (PV) hare husi
prespektiva makro ekonomia nee kiik, maibe ba valor politiku nasaun demokrasia
nee fo impaktu boot.
Tuir Peskizador ONG Lao Hamutuk Juvinal Dias
katak husi prespektivu makro ekonomia pensaun vitalisia nee la dun boot liu,
sira kompara ho despeza estadu nia balun, izemplu hanesan Suai Suply Base no ba
assessor nasional no internasional nian, hanoin katak makro ekonomikamente
kiik.
Maibe ita hare konba valor politika nasaun
no demokrasia, hatudu katak nee fo impaktu boot ida, hau hanoin hanesan
Alkatiri hare husi makro ekonomiku, maibe ita hare husi parte politiku nee
hafraku sistema politika rai laran rasik, tamba politiku nain sira prefere ba
tuur iha Parlamentu hodi hetan pensaun vitalisa, duke ba tuur iha neeba atu
halo dezisaun diak ida ba povu,” hateten Juvinal, ba STL hafoin remata
konferensia imprensia, konba komemorasaun loron moris Fransisco Borja, iha
Farol, Dili, Segunda (12/10/2015).
Nia hatutan problema nee sira hare momos
katak politika nain sira ba hodi haforsa sira nia interese iha Parlamentu duke
povu nia interese.
Iha parte seluk Diretor Asosiasaun HAK
Manuel Monteiro hateten husi prespektiva eis Titular Mari Alkatiri katak
pensaun vitalisa nee kiik, entaun muda ona, se la muda signifika katak pensaun
vitalisia nee boot, se kikoan karik povu kuandu dehan la diak nee muda ona, la
lika hein tan. Informasaun kompletu iha STL jornal no STL Web, edisaun Tersa
(13/10/2015). Joao Anibal
Suara Timor Lorosae
Sem comentários:
Enviar um comentário