SEI LABARIK KAER ONA KILAT HASORU INIMIGU

Hakarak ukun A’an hodi kaer rasik kuda talin, mesmu feto ho idade tinan ki’ik 14, maibé hamutuk ho mane luta nain sira hodi kaer kilat halo funu hasoru inimigu iha tempu okupasaun indonesia.

Ida ne’e mak akontese ba Maria Rosa da Câmara ho nia naran kodiku Bisoi, nia mehi ne’ebe mak agora dadauk sai realidade iha ninia moris, maske nu’udar feto , maibé nunka tauk   ba mate, tamba de’it defende nia rai lulik   ida ne’e ho moto luta nain Timor oan sira katak, “Mate Ka Moris Ukun Rasik A’an”.

Maria Rosa da Câmara , esplika wanhira   la’o hamutuk ho nia feto maluk sira hodi funu hasoru inimigu ne’e maioria mak   la hatene le’e no hakerek, maibe ho esforsu aten brani uza tatika militar, wanhira kaer kilat ba buka malu ho inimigu sira iha ai laran.

Tamba nu’udar feto iha ai laran, laos vida sivil de’it ,maibe feto mos dupla funsaun hodi hasoru politika militar entre feto ho mane, wanhira halo planu tatika militar iha tempu funu hasoru inimigu.

“Hau nia idade ho tinan Sanunu Resin Ha’at   14 hau involve a’an ona iha vida politika iha 1975 wanhira hau nia aman delegadu FRETILIN hau mos tama ona OPJT sai ofisial ba aldeia nian” deputada Maria Rosa da Câmara (Bisoi),konta história ne’e ba Jornalista JNDiário iha Parlamento Nasional (PN) Segunda (5/10).

Maria Rosa da Câmara (Bisoi), moris iha suku Loihun, Postu Administrativa Ossu, Munisipiu Viqu que iha loron 21, fulan Novembru, tinan 1962. Nu’dar oan ba Daha’at (4) husi maun alin nain 10 ne’ebe kompostu husi mane 7 no feto 3. Nune’e mos oan husi Filomeno da Câmara no Beatris de Raujo. Aliende ne’e   Maria Rosa da Câmara (Bisoi),desde iha tempu funu hasoru inimigu hetan ona nia domin ho naran kompletu Nuno Moniz Guteres hodi forma uma kain ho nia rejultadu domin ne’ebe mak kriasaun husi maromak   fo ho oan feto ida ho naran kompletu Domingas Santina da Câmara (21).mesmu unika filha (anak tungal).

Oras ne’e dadauk   Maria Rosa da Câmara (Bisoi), sai ona deputada no nu’udar reprezentante povu iha uma fukun Parlamento Nasional (PN) husi bankada CNRT nian ba periode Datoluk (3) ona, hanesan sai deputada iha IV-V, no VI Governo Konstitusional Timor Leste.

Soe Oan Hodi Halo Funu

“Hau iha oan ida sei halo tinan rua ho balun ami soe hela husik hela iha populasaun ninia parte nune’e Madre sira mak lori ba hakiak hafoin   Timor Leste   ukun a’an”Veterana ne’e esplika ho laran tristeza.

Nia hatutan tan katak, nia oan agora dadauk ho idade 21 no mos agora dadauk ba hela ona ho nia inan rasik Maria Rosa da Câmara (Bisoi), hodi sente netik domin inan nian, tamba de’it funu nia hahalok.Tos

Jornal Nacional