Relasaun
seksual livre bele dehan, gostu minutu balun deit, maibe kuandu kona ona
HIV-SIDA maka sofre iha moris tomak.
Lia
hirak ne’e hato’o husi Sekretariu Exekutivu Comissão Nacional Combate HIV-SIDA
(CNCS), Daniel Marçal, wainhira halo sisializasaun kona-ba prevensaun HIV-SIDA
ba Estudantes Institutu Youth Development Proigrame (YDP) iha Kintal Boot,
Dili, Kinta (1/10/2015).
Sosializasaun
ne’e mos partisipa husi membru Parlamentu Nasional (PN) husi Bankada FRETILIN,
Eledio Faculto, nudar membru Komisaun F ba asuntus Saude, Edukasaun, Kultura,
Veteranus no Igulidade Jeneru.
Sekretariu
Exekutivu CNCS, Daniel Marçal hateten, sosializasaun ne’e importante tanba bele
fo konhesimentu kona-ba moras HIV-SIDA no oinsa halo prevensaun.
“Ba
joven sira hanoin didiak atu halo buat ruma ho mane ida ou feto ida, tanba
hanesan sasoro karik la bele nakfilak fali ba fos,” hateten Daniel Marçal.
Daniel
Marçal husu ba estudantes sira atu koidadu an, tanba buat ida relasaun seksual
livre ne’e gostu minutu balun deit, maibe lori sofre iha vida tomak kuandu kona
ona HIV-SIDA.
Ba
joven sira bele namora hela, Daniel Marçal husu atu la bele ansi halo relasaun
seksual. Presiza tempu naruk estuda malu no konhese malu diak liu tan.
“Hau
nia mensagem ba joven sira labele ansi atu kaben lalais satan ho ema ne’ebe
afetadu tiha ona ba HIV,” hateten Daniel Marçal.
Iha
fatin hanesan Deputadu Eladio Faculto hateten, HIV-SIDA perigu tebes ba ema nia
vida, liu liu ba joven sira ne’ebe hasoru problemas oin oin
“Ami
husi parlamentu sempre enkuadra ami nia a’an para mai hamutuk ho komisaun
ne’ebe toma konta kombate HIV-SIDA atu kontinua halo kampanha no sensibiliza
nafatin ba jovens no komunidade sira atu bele prevene moras ne’e,” hateten
Eladio Faculto.
Eladio
mensiona katak, tenke hakbiit sensebilizasaun para bele halo prevensaun ba
moras at HIV-SIDA ne’ebe maka sai ona ameasa boot ba mundu globalizasan ohin
loron. ita/car
Jornal
Nacional
Sem comentários:
Enviar um comentário