DILI
- Atu prevene moras HIV-SIDA iha rai laran presiza lokaliza fatin
prostitusaun, maibe tenki tetu didiak hodi rona aspirasaun husi sosiadade hotu,
tamba povu Timor Leste maioria katolika maske aktividade prostitusaun lao
subar-subar.
Tuir
Deputadu Bankada Fretilin Leonel Marcal katak atu lokaliza fatin prostitusaun
hare aspeitu saude nian bele, maibe aspeitu seluk mos Timor oan Maioria
katolika tamba nee tenki tetu didiak kuandu halo lokalizasaun fatin
prostitusaun iha Kapital Dili.
Ita
tenki difini didiak aspeitu ida neebe mak ita bele uza hodi halo lokalizasaun
prostitusaun iha Dili laran, aseitu neebe bele hari mak prevene Hiv/Sida labele
hadaet, ida labele tamba ita nia nasaun fiar no kultura makas,” dehan Leonel ba
Jornalista, Kuarta (16/03/2016) iha PN.
Nia
hatete atu lokaliza fatin prostitusaun tenki hare no tetu didiak nomos presiza
halo konsultasaun ho entidade hotu-hotu, hamutuk mak difini atu nune bele fo
vantazen ba nasaun kuandu halo lokalizasaun fatin prostitusaun.
Iha
fatin hanesan Deputada Bankada PD Maria Lurdes Bessa hatete atu halo lokaza
fatin prostitusaun, iha parte ida bele konkorda no bele lakonkorda tamba
soesidade Timor Leste ninia kultura no fiar nain, tan nee tenki diskuti klean.
Informasaun kompletu iha STL jornal no STL Web, edisaun Kinta (17/3/2016). Timotio
Gusmao
Suara Timor Lorosae
Sem comentários:
Enviar um comentário