Sosiadade Komesa Hases Aan Husi Valores Rejistensia

DILI - Eis Komadante Gerileiru Kay Rala Xanana Gusmao, nota katak Sosiadade Timor Leste (TL), komesa hases aan husi valores rejistensia, tamba nee hahu agora tenki hametin no hasae fila fali valores rezistensia hodi luta ba foronteira maritima.

Lia hirak nee hatoo husi Eis komandante Gerileiru Xanana Gusmao, liu husi Konfrensia nasional brigada Negra ba fronteira martima, iha Delta Nova, Dili, Kuarta (16/03/2016).

Ita nia sosiadade ohin loron, komesa hases aan husi valores rezistensia nia, ohin loron esperitu sakrefisiu la iha ona, esperitu didikasaun mos lakon tiha ona, la iha ona sakrefisiu no la iha ona didikasaun. Ohin loron ema hotu-hotu buka diak deit no reklama deit maka direitus, fila tiha kotuk ba deferes, hotu-hotu agora iha direitu deit, hatene deit koalia konba direitu,” hateten Xanana.

Eis Komadante Gerileiru nee mos hatutan ohin loron iha sosiadade la kohi ona hanoin ba konsulta problema, neebe TL nudar estadu neebe sei frajil. Xanana dehan so iha hanoin luan no klean, maka sira hotu bele hetan respostas ba dezafius, neebe rai no povu ida nee ba moris loro-loron.

Iha fatin hanesan Birgada Negra Laloran hateten Brigada Negra agora halo konfrensia nee hodi hametin fila fali fiar funu nain sira nian, hodi kontinua luta ba TL nia soberanu ba fronteira maritima. Informasaun kompletu iha STL jornal no STL Web, edisaun Kinta (17/3/2016). Joao Anibal

Suara Timor Lorosae