FAMILIA MORAL MENUS – BEBE INOSENTI SAI VITIMA

Primeira Dama Isabel Fereira, konsidera problema soe bebe ne’ebe sempre akontese iha Dili no tertiroiu Timor Leste, tanba familia uma laran falta moral no mai duni husi inan aman rasik maka la iha responsabilidade.

“Ema kuandu soe bebe iha dalan ka iha lixu fatin ne’e falta moral mai husi familia laos problema iha edukasaun ka nia eskola ne’e lae familia maka hun ba moral nian,” hateten Primeira Dama Isabel Ferreira  ba jornalista sira iha salaun BNCTL, Kuarta (22/6/2016).

Nia hatete, kuandu familia maka sei la prepara nia oan sira ho valor no prinsipiun e’ebe diak maka ninia konsikuensia maka nune’e ona.Tanba ne’e kuandu oan sira tama ona idade joven,inan aman sira tenki tau atensaun moral,kontrola oa nsira.

“Laos  oan ba ona eskola edukasaun maka responsabilidade ne’e lae, inan aman maka tenki responsabilidade moral nia hun mai husi inan aman rasik , atu nune’e aban bairua oan ne’e pelemenus lori buat diak ruma mai iha familia laos lori fali buat maka mai familia,’’ hateten Isabel Ferreira.

Primeira Dama ne’e mos sublina katak, hanesan estudante ba eskola hodi ba aprende sai matenek hodi muda moris no buat hotu-hotu laos ba buka problema ida ba nia an no ba familia tanba ne’e problema soe bebe laos kulpa Estadu nian, tan ne’e atu akompanha oan ida hodi forma nia karakter diak sai ema ne’ebe diak no labele monu ba sala ne’e responsabilidade masimu inan aman sira nian.

‘’Mais kuandu inan aman sira haluha an preokupa deit maka rikusoin mundu nian aban bairua mate rikusoin sei la lori ba lalehan, preokupa oan sira nia futuru no moris importante liu duke ba preokupa rikusoin ne’e la vale ida, moris terus kiak maibe famila moris nakonu ho domin no moral, ne’e diakliu,’’ tenik Isabel.nia

Jornal Nacional