terça-feira, 28 de junho de 2016

SUSESU LA DEPENDE BA EMA NE’EBÉ MATENEK LIU

PARTILHAR

Prezidenti Repúblika (PR), Taur Matan Ruak hateten katak, atu hetan susesu ruma la depende de’it ba ema ne’ebé matenek liu, maibé depende ba esforsu no domin.

“Susesu la depende ba ema ne’ebé matenek liu, susesu depende ba ema ne’ebé monu, latauk hamriik fali, i hader la’o maka’as liu tan. Tanba matenek liu maibé nia tuur hela iha nia fatin, lakohi bo’ok-an, nia monu invez hader fali, maibé nia toba nafatin, entaun la ba oin,” hateten PR Taur Matan Ruak iha nia diskursu wainhira partisipa iha seremonia aniversáriu TVE-Timor ba tinan ida (1), no lansamentu website TVE-Timor iha eskola São Miguel Comoro Dili, Sábadu, (25/06).

Xefi Estadu ne’e mós fó nia parabens ba fundador sira eskola São Miguel nian, tanba maske infrenta difikuldades oi-oin, maibé la’o nafatin ba oin.

“Ha’u kontente tebes ho mana Isabel, no ha’u nia oan sira mai partisipa imi nia serimónia, primeiru aniversáriu TVE-Timor, ho lansamentu ba website,” dehan Taur Matan Ruak.

Taur Matan Ruak dehan tan katak, kontenti tebes tanba fatin refere uluk hahú ho kontiner, maibé ohin loron sai tiha uma andar ida ne’ebé furak tebes.

Taur Matan Ruak hatutan katak, fundador sira eskola São Miguel ne’e, ema luta nain duni, tanba hahú husi buat ne’ebé laiha, sai tiha buat di’ak ida ne’ebé presiza atu kontinua.

Xefi Estadu ne’e hatutan, segredu ida ne’ebé bele halo buat hotu la’o ba oin ho fasil mak, domin, tanba maske osan barak, maibé kakutak la la’o, osan ne’e sei laiha folin.

“Ita Timor ema hanesan ne’e barak, osan barak kakutak la la’o, kakutak la la’o, osan ne’e atu halo saida,” afirma Taur Matan Ruak.

Tanba ne’e, Xefi Estadu ne’e dehan, tinan sanulu mai tan, eskola São Miguel sei la infrenta ona problema hanesan agora dadauk.

Taur Matan Ruak mós hateten ba estudantes hotu iha eskola São Miguel katak, ohin loron laiha ona razaun ba sira atu hatete katak, difisil atu la’o ba oin, tanba ohin loron buat hotu muda ona, lahanesan tempu uluk.

Eis Jeneral ho fitun rua ne’e dehan, estudante sira iha de’it tempu atu aproveita oportunidade ne’ebé halai maka’as lós, tanba oportunidade ne’e mai dala ida de’it.

Iha okaziaun ne’e PR Taur Matan Ruak mós fó parabens ba Prezidenti Fundasaun Eskola São Miguel, no apresia professores iha eskola refere ba sira nia servisu durante ne’e.cos

Jornal Nacional
PARTILHAR

Author: verified_user

Publicação luso-timorense sem fins lucrativos

0 comentários: