Andre
da Costa Belo ‘L4’ husu ba Comisaun Anti Corupsaun (CAC) atu
investiga didiak kazu korupsaun no hodi koruptor sira ba iha prizaun, tanba
ema sira hanesan ne’e kontra lei no
hamate dezenvolvimentu nasaun.
Nudar
veteranu ida, nia afirma, veteranus Timor Leste hakribi ema
sira koruptor no naokten, tamba bele halo
povu no nasaun ne’e sai kiak.
“Ami
veteranus kontra ema ida ne’ebé mak
sai koruptor no naokten ne’e, diak
liu nia lalika moris iha rai ida
ne’e, tamba rai ida ne’e sosa ho ran
no isin, nune’e rai ne’e tenki mós
no povu tenki moris diak,’’dehan veteranu
Andre da Costa Belo ‘L4’ ba JN-Diário iha
salaun CNE, Sabadu (24/6/16).
Veteranu
ne’e hatutan, tur iha kadera ministru, sekretariu
estadu laos atu ba naok, maibe atu servi povu atu hetan
moris diak.
‘’Hau
anti no kontra demais ema sira ne’e
no veteranus sira bele baku mate mos diak,
wanhira hetan kriteriu no kaer no
hare ho liman no matan’’veteranu ne’e husu.
Maibe
atu prevene ida ne’e kompetensia Governo, CAC
no tribunal mak tenki halo investigasaun masimu
atu identifika koruptor sira hodi bele
sulan hotu iha kadeia laran.
Nia
mos husu ba politika nain sira atu
hala’o politika tuir nia dalan, atu nune’e
povu labele ataka malu hela deit, tamba ema
hotu nia hakarak no hanoin rai ida
ne’e tenki hakmatek no povu ne’e
tenki moris ho diak.
Nia
haktuir, veteranus uluk funu iha ai laran
toba iha rai, balun mate, terus no
mós balun ain no liman tohar, veteranus
funu ba rai ida atu ita hotu kaer rasik kuda talin no
lori dezenvolvimentu sustentavel ba povu, laos luta hodi
ukun an mak ema balun aproveita atu
trata malu fali no la kontrola nia
liafuan.tos
Jornal
Nacional
Sem comentários:
Enviar um comentário