terça-feira, 28 de junho de 2016

Koeleta Ikan Lagoa Be’e Malae


Dili, Radio Liberdade Online_Koeleta ikan Lagoa Be’e Malae, iha Suco Sanirin, Postu Administrativu Balibo, halao iha loron 25/6/2016, loke ho ritual Kultural halao husi Lia Nain Postu Administrativa Atabae no Seremonia abertura ofisial ba eventu ne’e organija husi autoridade local Postu Administrativu Balibo.

Iha deskursu, Administrador Munisipiu Bobonaro haktuir katak Koeleta ikan Lagoa Be’e Malae akontese tinan lima dala ida maibe hahu tinan ne’e koeleta ikan Lagoa Be’e Malae sei akontese tinan tinan, “ ba tinan –tinan sei iha festifal koeleta ikan be’e malae,tinan –tinan laos hanesan baibain maibe tinan-tinan sei koeleta ikan be’e malae tamba ne’e ami kolia ona ho ministeriu relevante Turismu, Mcia no Agrikultura ho ita nia ikan ne’ebe mak iha nanis ona ita buka tan ikan seluk karik ita bele tau tan, atu nune iha koeleta hanesan ne’e ita mai barak ita bele hetan ikan uituan, ami husu ba ministeriu relevante atu apoiu atu dezenvolve fatin ida ne’e sai diak liu tan.”

hanesan Deputadu Anicetu Guteres, ne’ebe marka prejensa nudar rai nain Bobonaro hato’o nia agradesementu ba eventu ne’e, “hau agradese tebes ba komunidade tomak ba perpara eventu ida ne’e liu-liu komisaun organizadora hamutuk ho Governu liu husi Miniteriu Turismu perpara programa ida ne’e.”

Bainaka especial iha seremonia ne’e mak Danki Perbatasan, Edi, iha nia deskursu haktuir nia orogulhu bele partisipa iha seremonia ne’e no espera ho eventu sira hanesan ne’e bele hametin liu tan relasaun diak entre Timor Leste no Republik Indonesia, “ini suatu kehormatan terbesar bagi kami dan akan kami laporkan ke  komandu atas, bahwa kegiatan tourism atau pun kegiatan yang di adakan di Timor-Leste sangat luar biasa dan sangat meriah.”

Reprejentante Ministru Artes no Kultura, Aquilino Santos Cairo, dehan katak Be’e Malae hanesan destinasaun ne’ebe identifika husi ministeriu ne’e nune’e persija dejenvolve fatin ne’e, “ida ne’e mak icon husi distritu Bobonaro ninian ne’ebe ba Ministeriu Turismu sai hanesan atrasaun bo’ot ida ne’ebe mak ami identivika sai hanesan parte turismu ne’ebe presija dezenvolve.”

Vise Ministru Solidaridade Sosial, Miguel Manetelu ne’ebe marka mos nia prejensa iha Be’e Malae haktuir katak saida mak Timor iha dadauk ne’e persija hametin liu liu hare ba parte kultura, “Tamba malae sira mai husi liur ne’eba, se o hakarak hatudu buat sira modern ne’e ema iha ne’eba diak liu ita, o foin halo uma andar sanulu nia halo uma andar lima nulu ou atus ida iha tia ona,nia la mai hare uma andar maibe nia mai atu hare buat ne’ebe mak ita iha, kultura ne’ebe ita iha,seremonia sira ne’ebe mak orsida ita atu halao, ida ne’e mak sira atu hare, hanesan Timor oan ita tenke hametin ita nia kultura.”

Koeleta ikan Lagoa Be’e Malae, partisipa husi komunidade munisipiu Bobonaro no komunidade husi munisipiu sanolu resin rua seluk e Vise Ministru Solidaridade Sosial, Direitur Jeral SEPFOPE, membru Deputadu, Danki Perbatasan,Reprejentante Ministru Artes no Kultura no autoridade lokais sira.

Rádio Liberdade Dili

Sem comentários: