Membru
Parlamentu Brigida Correia, husu governu atu hadia fatin turismu iha postu
adminsitrativu Atauro munisipio Dili, tanba iha potensial bo’ot.
Membru
Komisaun D (ekonomia no dezenvolvementu) ne’e hateten, Atauro hanesan fatin
eko-turismu ne’ebe sei fo reseita ba estado, tanba ne’e governu tenke
konsidera.
“Husu
ba ministerio turismu atu dezenvolve fatin turismu hanesan bee manas Biqueli no
komarka antiga hanesan fatin historiku no fatin turismu seluk tan,” nia
hateten, iha Parlamentu Nasional.
Alende
ne’e, nia dehan, komisaun mos identifika problemas hanesan falta bee moos,
eletrisidade no estradas tanba iha Atauro ahi seidauk lakan 24 horas.
Nia
mos preokupa ho uma ou baraka ne’ebe komunidade sira uja hodi fa’an katupa no
ikan iha tasi ibun Beloi, kondisaun la favorese e presiza hadia.
Iha
parte seluk Sekretario Estado Politika Formasaun Profesional e Empregu
(SEPFOPE), Ilidio Ximenes da Costa, hateten tinan ne’e (2016) parlamentu aloka
$700 mil ba dezenvolvementu turismu komunitaria.
“Turismu
komunitario ami iha $700 mil no sei dezenvolve fatin turismu iha Lospalos, bee
manas Marobo, One dolar beach, Kasait no fatin abrigus resistensia nian,” nia
hateten.
Husi
orsamentu ne’e, nia dehan, iha $141 mil mak sei aloka ba hadia fatin abrigu
rezistensia nian.
Kona
ba fatin abrigu, nia dehan sei iha prosesu identifikasaun maibe ba fatin
turismu sira liu –liu bee manas Marobo ne’e kontinuasaun deit.
The
Dili Weekly
Sem comentários:
Enviar um comentário