Forsa
polítika daruak timoroan nian, Fretilin, sei hala'o iha findesemana tuirmai nia
Kongresu Nasional ho tema "manán hodi liberta" no hanoin iha eleisaun
prezidensial sira no lejislativu sira tinan 2017 nian, hatete hosi
sekretáriu-jeral partidu nian ba Lusa.
"Hanesan
kongresu espesial ida tanba ami hakarak serbisu ho tema hodi "manán hodi
liberta", iha kazu ne'e hodi liberta povu", hatete hosi líder
Fretilin nian, Mari Alkatiri, ba Lusa.
"Hanesan
kongresu ida sei iha debate oioin kona-ba estatutu sira, rejimentu sira no
asuntu sira seluk, maibé ami sei fó prioridade no estratéjia sira no hanoin
hamutuk ne'ebé sei hanesan abur ba programa futuru dezenvolvimentu nian",
nia esplika.
Mari
Alkatiri refere ona katak, "atu evita kopiadór sira" partidu sei
aprova de'it nia programa entre eleisaun prezidensial sira fulan-Abril no
lejislativu sira iha fulan-Juñu, konfirma katak serbisu ne'ebé dezenvolve
daudaun iha Oecusse sei halo parte iha planu ne'e.
"Ha'u
ba Oecusse, tuir Estadu haruka, hodi tulun harii modelu ida ne'ebé bele sai
hanesan referénsia ba nasaun tomak. Hanesan dezafiu ida ne'ebé lansa mai ha'u.
Ha'u hatán hodi mai enklave ne'e no transforma nian iha sentru daruak nasaun
nian", nia hatete.
Nia
konfirma mós katak Kongresu sei analiza kestaun eleitoral, hodi esplika katak
aprezenta tiha ona "proposta unánimu sira hosi konferénsia distrital
sira" ne'ebé "sei renova agora iha Kongresu" hosi apoiu ba
prezidente partidu nian, Francisco Guterres (Lu-Olo), hodi sai hanesan
kandidatu iha votu prezidensial fulan-Abril nian.
Alkatiri
konfirma mós katak nia rasik sei defende fali, hanesan nia halo iha reuniaun
ikus hosi Komité Sentral nian, alterasaun ida ba estatutu sira partidu nian
hodi nune'e ema seluk aleinde sekretáriu-jeral bele sai nu'udar
primeiru-ministru, bainhira manán iha eleisaun.
Ne'e
permiti, iha senáriu ida ne'ebé karik Fretilin manán eleisaun sira, atu futuru
Governu bele lidera hosi atuál xefe Governu atuál, Rui Maria de Araújo, ka hosi
ema seluk iha kuadru partidu nian.
"Ha'u
rasik tenta hasai ona ne'e hosi estatutu sira, iha reuniaun ikus komité sentral
nian, maibé rekuzadu. Ha'u sei defende fali. Ha'u hanoin katak hafoin tinan 14
restaurasaun independénsia nian bele ona hanoin hanesan ne'e no aprova mudansa
ne'e", nia hatete.
Kona-ba
senáriu pós-eleitoral sira, Mari Alkatiri hatete katak bainhira Fretilin hetan
maioria absoluta partidu "tenki inklui" forsa sira seluk hodi loke
dalan ba "koligasaun sira" bainhira laiha maioria absoluta sira.
Maski
hanesan senáriu ida hanesan ho atuál - Governu ida koligasaun nian - Alkatiri
hatete katak nia hakarak "halibur vontade sira, ho dinámiku seluk ida
ne'ebé primeiru-ministru sai nu'udar prezidente hosi Governu, sei la desliga
ezekutivu".
"Governu
agora daudaun desliga malu tanba ministru ida-idak halo polítika hosi nia
partidu no la'ós hosi nia Governu", nia hatete.
Kona-ba
inkluzaun iha koligasaun hosi partidu sira seluk aleinde hosi atual parseiru
hosi Governu, CNRT, Mari Alkatiri destaka katak buat hotu depende hosi
rezultadu sira maibé Fretilin nakloke ba negosiasaun "ho sé maka bele lori
tan benefísiu sira".
Hatán
kona-ba partisipasaun hosi akordu sira ho partidu ida ne'ebé pertense hosi
atuál Prezidente Taur Matan Ruak, sekretáriu-jeral Fretilin nian hatete katak
le ona deklarasaun sira katak xefe Estadu "la'ós fundadór hosi partidu
ida".
"Maibé
bainhira ha'u hatete katak ha'u loke ba koligasaun hanesan ho partidu ruma
ne'ebé aumenta valor no esperiénsia governasaun nian", nia refere.
Alkatiri
hatete katak la hein alterasaun maka'as iha parlamentu, ho "forsa 3 ka 4
hodi hili deputadu sira", maski admiti katak iha saída ka entrada hosi
partidu sira.
Líder
Fretilin nian hatudu mós fiar atu "estabilidade polítika no postura
polítika tomak ne'ebé foun hosi partidu sira hotu kontribui hodi evita"
repetisaun ba fraude ne'ebé, insisti, akontese iha tinan 2012.
"Ha'u
laiha dúvida katak iha fraude iha tinan 2012", nia hatete.
José
Reis, sekretáriu-jeral adjuntu Fretilin nian, hatete ona ba Lusa katak
kongresu, ne'ebé hala'o iha Sentru Konvensaun Díli nian (CCD) sei iha sesaun
abertura nian iha loron-sesta no taka iha loron-domingu no nakloke ba públiku.
Sei
partisipa iha enkontru ne'e delegadu hamutuk 1.135 hosi nasaun tomak, ne'ebé
iha delegadu eleitu sira hosi estrutura nasional sira (na'in 973), delegadu
sira ho inerénsia ba knaar sira (na'in atus resin, inklui prezidente,
sekretáriu-jeral no membru sira hosi órgaun nasional sira) no na'in 127 resin
ne'ebé aprova hosi Komisaun Polítika Nasional.
Konvida
mós reprezentante sira hosi grupu diplomátiku no iha previzaun ba partisipasaun
hosi observadór na'in 200 resin hosi entidade no organizasaun timoroan oioin.
SAPO
TL ho Lusa
Sem comentários:
Enviar um comentário