TL-Pakistaun Deskuti Kooperasaun Teknolojia- Liberaliza Viza

DILI – Governu Timor Leste liu husi Ministeriu Negosiu Estranjeiru halao diskusaun Embaixador Pakistaun iha Timor Leste Mohammed Aqil Nadeem. Enkontru ho Governu Timor Leste liu husi Ministeriu Negosiu Estranjeiru, hodi diskuti kona ba area kooperasaun bilateral entre Timor Leste ho Pakistaun.

Embaixador nee koinese Timor Leste diak tamba iha prosesu tranzisaun halao ona knar iha Timor hanesan hanesan Administrador Distritu Viqueque. Mohammed Hare Timor leste hodi halo komparasaun prosesu dezenvolvimentu iha tempu UNTAET too agora iha diferensia neebe boot tebes, tan nee Timor merese hetan apresiasaun no kongratula husi nasaun seluk.

Tuir Vice Ministru Negosiu Estranjeiru Roberto Soares katak Agradese ba embaixador pakistaun nia observasaun ba prosesu dezemvolvimentu neebe lao iha timor Leste.

Ami koalia hela atu haforsa kooperasaun ita nian iha area edukasaun, informasaun ho teknolozia no tenta diskuti atu fasilita movimentasaun ou liberalizasaun ba viza iha kontestu Timor bele bele tama pakistaun no mos pakistaun mai ita nia rai sein viza,” dehan Roberto ba Jornalista Sesta (30/09/2016) iha Edifisiu Ministeriu Negosiu Estranjeiru Pantai kelapa.

Nia hatete hanoin kona ba liberalizasaun sei halo diskusaun klean tamba presiza hare husi aspeitu juridiku, teknika, vantazen no dezvantazen kuandu iha intendementu hanesan buka atu formaliza, hodi loke dalan kooperasaun Timor Leste ho Pakistaun.

Iha fatin ketak observador Politika Jaime Lopes Cabral hatete Timor Leste nudar nasaun neebe mak soberanu hanesan nasaun seluk, atu dezemvolve Aan presiza halo kooperasaun ho nasaun sira seluk. Informasaun kompletu iha STL Jornal no STL Web, edisaun Sabado (1/10/2016).Timotio Gusmao

Suara Timor Lorosae