Ooo...analista laboratorio de saude........
O isin moris, o laran kmaus, o neon nakraik,
o matan moris, o liman bada’en,
o ibun midar. O nia moris folin tebes iha
sample moras oi-oin nia le’et
Instrumentu laboratorio antigo no modernu
hamaluk o hanesan o belun di’ak
Moestra oi-oin hafanu o hodi halao o kna’ar
hanesan ema analista laboratorio saude
o nia ispiritu nakonu ho domin no konsensia
o liman bada’en, o ulun midar, o difini
rezultadu moras oi-oin
hakotu-nain moras oi-oin nia-rezultadu, o
servi duni ho neon no laran
o tane a’as o nia-profissaun, o hatudu duni
o nia profisionalismu
hori uluk hori uain o nia naha servisu risku, maibe o laran metin o
aten brani
hodi halao o kna’ar ho ulun malirin, grasa a
DEUS o ema uniku
Iha tempu udan o sente manas, iha tempu
malirin o sente kosar, tanba saida.....?
O belun di’ak “moestras laboratorio” fo
malirin ba o
instrumentu laboratorio hamaluk o iha tempu
udan
o tahan malirin, iha tempu loron manas o
habai o a’an.
O augenta no augenta ba nafatin, ezemplu
ispiritu nacionalismu ne’ebe’ susar atu sura
Ooo...analista laboratorio de saude........
Sample moras oi-oin ameasa o nia moris,
maibe o aten brani hodi prevene o an husi risku
O nia servisu valor bo’ot tebes maibe o naran la temi le’et,
O sempre abansa no abansa ba nafatin
O nia ispiritu hau apresia, o nia badinas
hau la sura maibe o nia halerik hau husik le’et.
Ooo...analista laboratorio de saude........
O naran bo,ot o ibun la’ek, o matan kroat
maibe o liman badak
O heroi da saude.....
O diagnostiku-nain ba moras hotu-hotu
se o laiha hau bele sai matan dok
se o laiha hau nia tratamentu la akuradu
hau lian la’ek hodi fo agradese o, hau ibun
to,os hodi fo obrigadu o
Ezemplu persistencia ida husi o folin bo’ot
tebes
Hau neon lakon hodi hare o nia kna’ar
Hau laran beik hodi hase’e o nia kbi’it.
*Puizia ida ne’e didika ba kolega
professionais saude analista iha Timor-Leste tomak.
Sem comentários:
Enviar um comentário