Fundadór
hosi Wikileaks, Julian Assange, fó sai iha loron-tersa katak sei divulga iha
semana ne'e dokumentu dahuluk sira ne'ebé inklui "informasaun importante
sira" ba eleisaun prezidensial sira norte-amerikanu nian.
Assange
ko'alia, liuhosi video konferénsia, ba Berlin, tanba Wikileaks halo nia tinan
ba dala 10.
"Publikasaun
dahuluk sei sai iha semana ne'e", Assange hatete no hatutan katak hakarak
publika dokumentu sira "semana ida dala tolu" to'o eleisaun sira iha
Estadus Unidus, ne'ebé previstu ba loron 08 Novembru.
Dokumentu
foun sira inklui informasaun sira kona-ba polítika norte-amerikanu maibé mós
kona-ba área petrolíferu no armamentu sira no kona-ba espionajen, haktuir hosi
Assange.
Assange
lakohi fó sai pormenor sira, maibé hatete de'it katak informasaun balun
"hanesan importante" ba eleisaun sira norte-amerikanu nian, maibé nia
hatete katak nia lakohi estraga kandidata hosi Partidu Demokrata, Hillary
Clinton.
Nia
hatete katak dokumentu foun sira sei fó sai "karakterístiku interesante
sira" hosi instituisaun balun no "oinsá sira hala'o serbisu".
Julian
Assange sai hanesan refujiadu iha tinan haat nia laran iha embaixada Ekuador
nian iha Londres hodi evita estradisaun ba Suésia, ne'ebé nia hetan
investigasaun tanba deskonfia krimi seksual sira, tanba tauk atu entrega nia ba
Estadus Unidus ne'ebé hakarak halo julgamentu ba nia tanba fó sai informasaun
konfidensial sira.
Wikileaks
fó sai nafatin dokumentu rihun resin, entre sira maka arkivu sira kona-ba
kadeia Guantánamo, funu sira iha Irake no Afeganistaun no dokumentu diplomátiku
sira Estadus Unidus nian.
SAPO
TL ho Lusa
Sem comentários:
Enviar um comentário