DILI,
(ANTIL) – Eis-deputada bankada FRETILIN, Cipriana Perreia hateten, tempu
to’o ona ba feto atu partisipa iha polítika no la-presiza ema seluk mak tenke
promove maibé aproveita kapasidade hodi hatudu.
“Hatudu
para kompete, la-presiza dudu tan, la-presiza lei mak obriga fali ne’e laduun
diak ida”, Komisária Polítika Nasionál FRETILIN ne’e enkoraja feto sira iha
edifísiu Sekretariadu Teknika Administrasaun Eleitoral Kaikoli, nu’udar feto
reprezenta partidu FRETILIN iha lansamentu resenseamentu baze dadus, Segunda,
(3/10).
kapasitasaun
feto hodi envolve iha polítika importante no pozitivu tebes no apresia tanba
setór balun, órgaun estadu ninian, tantu iha órgaun governu nomós partidu
polítiku, maluk feto komesa barak liutan ona hodi okupa iha pozisaun balun.
“Partisipasaun
feto bele dehan pozitivu tebes, dezenvolve no aumenta tan sira nia kapasidade no
partisipasaun nomós dedikasaun ba fatin sira ne’ebé mak feto maluk sira
partisipa”, salienta.
Partisipasaun
feto iha polítika hanesan mós mane tanba, igualidade jenéru ka igualidade feto
ho mane ne’ebé garante no konsagra iha Konstituisaun Repúblika Demokrátika
Timor-Leste artigu 17 katak feto no mane iha obrigasaun hanesan iha moris
família, kulturál, sosiál, ekonómiku no polítiku nia laran. (jornalista:
Rafy Belo; editora: Rita Almeida)
Sem comentários:
Enviar um comentário