quarta-feira, 22 de fevereiro de 2017

Partidu Demokrátiku timoroan hasoru malu iha kongresu hodi hili lideransa foun

PARTILHAR
Militante sira hosi Partidu Demokrátiku (PD) timoroan hasoru malu iha findesemana iha Díli hodi hili nia diresaun foun, diresaun daruak dezde partidu ne'e harii iha tinan 2001, no hodi defini estratéjia sira ba siklu eleitoral tinan ne'e iha Timor-Leste.

"Iha kandidatu oioin ba lideransa, hala'o daudaun prosesu preparasaun nian, iha kampaña internu ida maka'as no lobby ne'ebé halo daudaun. Hanesan daudaun prosesu interesante ida no ne'ebé aumenta daudaun debate polítiku internu", explika hosi Lurdes Bessa, visi-prezidente ida hosi PD, ba Lusa.

Delegadu besik 1.500 karik sei partisipa iha kongresu datoluk PD nian (hafoin hosi reuniaun magna sira iha tinan 2006 no 2011) ne'ebé halo entre loron-sesta no loron-sábadu iha Sentru Konvensaun Díli no ne'ebé sei iha rezultadu ba lideransa foun no ba Komisaun Polítika Nasional foun ho elementu na'in 89.

Kongresu marka tempu hafoin Fernando Lasama de Araújo, dirijente istóriku juvenil hosi rezisténsia timoroan nian ne'ebé diriji ona partidu hahú hosi nia fundasaun, iha loron 10 Juñu 2001 to'o loron nia mate, iha fulan-Juñu 2015, iha tempu ne'ebé kaer mós knaar nu'udar ministru Edukasaun.

"Bainhira Lasama mate hili ona hodi la halo eleisaun antesipadu no visi-prezidente Adriano do Nascimento kaer prezidénsia. Agora ami sei hili diresaun foun ida partidu nian", Lurdes Bessa hatete.

Agora daudaun hanesann forsa polítiku datoluk iha termu reprezentasaun parlamentar nian, PD moris iha tempu ne'ebé hahú ona afirma iha Timor-Leste forsa polítiku foun sira, mosu hanesan alternativu ida ne'ebé reprezenta jerasaun foun sira.

Iha tempu ne'ebá PD haree hanesan alternativu ida ne'ebé mosu iha fatin hosi Partido Social Democrático (PSD) ne'ebé nia hetan ona apoiu eleitoral balun no ohin loron bele lakon kualidade poder apoiu nian ba forsa timoroan foun ida, Partido de Libertação Popular (PLP).

"PD tenta mantén nafatin dalan nakloke no diálogu sira ho partidu sira hotu no nune'e hanesan mós ho PLP dezde nia kriasaun. Nakloke ba disponibilidade tomak. Ami halo parte ona iha Governu ho koligasaun sira, la'ós hanesan prosesu foun ida no ami sei la hadook posibilidade ruma", nia hatete.

Iha ajenda kongresu nian iha findesemana oinmai iha mós alterasaun ba estatutu sira - revizaun dahuluk dezde harii partidu ne'e - no preparasaun ba eleisaun prezidensial sira (partidu iha kandidatu ida, António da Conceição, atual ministru Edukasaun) no ba lejislativu sira iha fulan-Jullu.

Bainhira hatán ba aspirasaun prezidensial sira, Lurdes Bessa hatudu fiar hosi rezultadu di'ak ida ba António da Conceição, hodi refere katak aleinde situasaun polítika atual, iha nesesidade ida ba tranzisaun jerasional nian.

"Iha nesesidade boot ida iha nasaun ba líder foun sira, hosi jerasaun foun ida avansa oituan, ne'ebé independente iha orientasaun hosi jerasaun antigu liu. No ami aposta daudaun iha sentimentu ne'e", nia hatete.

"Iha posibilidade maka'as ida katak ami nia kandidatu bele liu ba etapa daruak no nune'e bele muda rezultadu. Bainhira ami konsege tama ba etapa daruak, ha'u fiar katak sei hanesan forsa boot ida no karik ami bele manán eleisaun", nia afirma.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: