Ângela
Freitas hatete katak to'o ona tempu hosi maioria populasaun timoroan, feto
sira, hili feto ida nu'udar Prezidente Repúblika, "inan" ida ne'ebé
hakarak halibur oan sira ne'ebé haketak malu tanba ideolojia no diferensa
polítika sira iha tinan hirak ikus ne'e.
"To'o
ona tempu ba feto sira apoia ha'u nia kandidatura. To'o ona tempu atu feto sira
apoia inan ida ne'ebé bele hametin sira nia direitu iha nasaun ne'ebé problema
sira todan liu maka violénsia doméstika", nia hatete iha entrevista ba
Lusa.
"Apoia
inan hodi bele hametin no kria oportunidade ida ba maioria, feto, partisipa iha
palku polítiku", nia explika.
Prezidente
hosi Partido Trabalhista (PT) - forsa polítika ne'ebé integra ona Asembleia
Konstituinte timoroan - Ângela Freitas, tinan 47, hatete katak Timor-Leste
presiza inan ida ne'ebé bele "halibur oan sira ne'ebé haketak malu tanba
diferensa hosi ideolojia polítika".
"Ami
iha partidu polítiku no organizasaun barak no ne'e hamosu konfuzaun barak ba
povu iha nasaun laran. Ami hakarak halibur unidade nasional hodi ami bele
serbisu hamutuk no dezenvolve nasaun ne'e", nia afirma.
Feto
úniku entre kandidatu prezidensial na'in ualu, Ângela Freitas hatete katak
hakarak sai nu'udar prezidente ida "ho honestidade no responsabilidade ba
povu" hodi afirma katak xefe Esadu iha fatin hodi halo intervensaun
"hodi defende povu nia interese".
Lian
krítika ida, ho diskursu ida feminista no mós konservador - hakarak fó liu
knaar ba Igreja iha Estadu, liuliu iha área sira edukasaun no saúde - Freitas
konsidera katak, "lahó igreja nia intervensaun, sei la konsege hetan
vitória independénsia nian" no ne'ebé kualidade edukativu iha eskola
relijiozu sira "hanesan di'ak liu".
Akuza
líder polítka sira ba "falta korajen hodi foti desizaun", hatete
katak buat ne'ebé akontese iha nasaun hanesan motivadu "liu hosi interese
ema ida nian, hosi grupu no partidu sira". Hatudu liman "la'ós ba
Xanana Gusmão, ne'ebé iha laran-di'ak no hakarak nasaun nia di'ak" maibé
ba "ema sira ne'ebé serbisu hamutuk ho nia, ne'ebé laiha honestidade no
responsabilidade hodi hala'o sira nia knaar, hodi serbí povu ne'e".
Maski
rekoñese katak xefe Estadu laiha poder ezekutivu, nia explika katak halo
kampaña ho "master plan" ida ba programa prioritáriu sira nasaun nian
- agrikultura, pekuáriu, peska no infraestrutura" - no katak Prezidente
iha knaar importante ba komunikasaun no koperasaun ho Governu.
"Ha'u
nia kandidatura fó lian ba povu, ne'ebé to'o agora la hetan justisa. Tanba ne'e
hanesan importante promove justisa no halibur forsa sira hodi defende saida
maka di'ak ba povu. Serbisu no sakrifika ha'u nia moris hodi muda sistema
governasaun ne'ebé la loos ho situasaun real iha nasaun laran", nia
afirma.
Freitas
hakarak halakon portugés hanesan lian ofisial, opsaun ida ne'ebé nia hatete
katak "la kombina ho povu nia interese" tanba "maioria hosi povu
la le no hakerek portugés" no tenki aprende de'it tétun hanesan lian
ofisial.
Iha
termu jeral sira nia konsidera katak iha falta komunikasaun entre instituisaun
sira Estadu no dalabarak la tau ema sira ne'ebé kompetente iha kargu sira no
defende mensajen ida hosi "unidade nasional no estabilidade", nune'e laiha
dezenvolvimentu.
Iha
Ângela Freitas nia ajenda kontinua iha momentu ida ne'ebé delikadu liu iha
tinan hirak ikus ne'e, operasaun hamutuk hosi forsa sira seguransa timoroan
nian hodi kaer eis-komandante timoroan Mauk Moruk, ne'ebé mate iha tiruteiu ida.
Líder
hosi Konsellu Revolusaun Maubere (RM), Mauk Moruk, no nia númeru daruak mate
iha loron 08 Agostu 2015 iha tiruteiu ho efetivu sira hosi forsa sira seguransa
timoroan nian ne'ebé halo perseguisaun hahú Marsu.
Polísia
no forsa armada sira Timor-Leste nian buka moruk iha operasaun ida ho naran
Hanita, no ne'ebé halo ona detensaun atus resin no ema na'in hitu kanek entre
forsa seguransa sira.
Ângela
Freitas hatete katak "povu kontinua husu justisa justu ba kazu"
ne'ebé konstitui "krimi todan ida", nune'e iha Governu maka tenki
"responsabiliza ba asaun kriminozu sira ne'ebé halo ona".
"Ami
tenki hatene sé maka sai hanesan autor material sira krimi nain, no determina
responsabilidade sira ba sé maka haruka hodi estabelese forsa hamutuk ida hodi
oho komandante", nia hatete.
"Saida
maka akontese ba komandante Mauk Moruk hanesan kazu polítiku ida. Sé maka iha
responsabilidade, hahú hosi Prezidente, Governu, Parlamentu Nasional no
tribunal. Tanba hanesan instituisaun haat maka aprova operasaun hamutuk ne'e.
Justisa tenki la'o", nia afirma.
SAPO
TL ho Lusa - Foto@ Lim Choi /Arquivo Lusa
Sem comentários:
Enviar um comentário