Prezidente
Repúblika timoroan, Taur Matan Ruak, konsidera iha loron-sesta ne'e hanesan
normal tensaun polítika ho individualidade timoroan sira seluk, inklui ho
Xanana Gusmão, hodi insisti katak nunka hakarak halo atake pesoal ruma maibé
debate de'it ideia sira.
"Ema
sira iha direitu hodi avalia saida maka ha'u hatete. Maibé ha'u nia intensaun
la'ós hanesan ne'e (atake pesoal). Hanesan hodi para oituan, hanoin fali ami
nia polítika no avansa neineik, la ignora ho opiniaun hosi ema sira
seluk", nia hatete ba Lusa iha entrevista.
"Karakterístika
ida hosi militar sira maka hanesan frontal liu, la'ós hanesan diplomátiku. Ne'e
hamosu komplikasaun. Hanesan ha'u nia defeitu ida. Agora ha'u tenki aprende,
maibé antes aprende ema seluk maka tenki lori", nia explika ho hamnasa.
Relasaun
entre Ruak ho Gusmão (eis-primeiru-ministru no atuál ministru ba Planeamentu no
Investimentu Estratéjiku nian) hahú aat iha tinan hirak ikus ne'e hafoin
Prezidente halo krítika oioin ba Governu nia asaun, liuliu hafoin diskursu
polémiku ida ne'ebé nia halo iha Parlamentu Nasional, iha inísiu tinan 2016.
Iha
diskursu, Taur Matan Ruak akuza ona Xanana Gusmão no líder sira hosi Fretilin
(partidu boot daruak timoroan nian) Mari Alkatiri ho Lu-Olo uza unanimidade
polítika hodi la rezolve problema sira maibé halo de'it ba poder no priviléjiu,
hodi fó benefísiu ba família no belun sira.
Xefe
Estadu kompara asaun hosi líder sira ho asaun sira hosi eis-ditador indonéziu
Suharto, iha komentáriu sira ne'ebé marka ona diskursu ida nakonu ho krítika ba
modelu dezenvolvimentu Governu nian no ne'ebé halo Xanana Gusmão fó fali
kondekorasaun ida ne'ebé nia simu iha tinan anterior ba Prezidente.
"Ha'u
hakarak informa ba exelénsia katak ha'u, ho humildade, husu atu aseita
devolusaun ba medalla ne'e, hodi bele entrega ba ema sira ne'ebé merese
liu", Xanana explika iha karta ne'ebé akompaña devolusaun medalla nian.
Bainhira
hatán kona-ba saida maka nia konsidera, ohin loron, katak komentáriu sira ne'e
bele hanesan ezajeru, Taur Matan Ruak afirma ona katak "ema sira detekta
parte balun" hosi nia diskursu "hodi halo sai hanesan problema
ida".
"Ha'u
nia haree, saida maka halo diferensa maka opiniaun kona-ba modelu
dezenvolvimentu nian. Ha'u la konkorda ho buat barak hosi modelu
dezenvolvimentu ne'e no ho modelu sivilizasaun nian ne'e. Naturalmente sira la
haree ne'e, haree liu ba parte desnesesáriu", nia afirma.
Kona-ba
oinsá relasaun ohin loron nian, xefe Estadu hatete katak Xanana Gusmão ho Mari
Alkatiri "baibain la'o dook" hosi Prezidente.
"Ha'u
senti hakmatek. Ha'u laiha problema sira. Iha fatin ne'ebé Prezidente iha, sira
la marka prezensa. Ha'u hein katak ne'e sei la kontinua. Ha'u laiha inimigu
sira no mós laiha adversáriu permanente sira. Ha'u hanesan sivilizadu
sufisiente hodi hasoru ho ema sira", nia konsidera.
Xefe
Estadu rejeita mós katak iha problema iha nia relasaun ho komandante F-FDTL,
major-jeneral Lere Anan Timur, hafoin saga naruk kona-ba desizaun troka iha
komando forsa sira defeza nian.
Taur
Matan Ruak to'o fó sai alternativu rua ne'ebé Governu rejeita, hodi fó iha
pozisaun inisial ne'ebé defende hosi ezekutivu, hodi mantén Lere Anan Timu iha
kargu.
"Ha'u
nia esforsu maka prosede tranzisaun. Governu insisti mantén no Prezidente
konfirma. Prezidente Repúblika hakarak mantén harmonia institusional, relasaun
ho Parlamentu no Governu. Ida tenki lakon. PR nu'udar xefe Estadu tenki lakon.
Hanesan kontribuisaun ki'ik ida hosi ha'u hodi mantén buat hotu kalma no
hakmatek", nia hatete.
Nia
insisti katak Timor-Leste "hanesan nasaun demokrátiku no sivilizadu
ida", ne'ebé ema sira "la oho malu tanba diferensa sira" no ba
krítika sira ne'ebé simu "ho dalan natural", hanesan prosesu normal
ida iha demokrasia, "buat "pozitivu", hosi formasaun, hosi
transformasaun".
Taur
Matan Ruak hakotu nia mandatu iha 20 Maiu, loron ne'ebé sei kumpri tinan 15 ba
restaurasaun independénsia Timor-Leste nian no hanesan loron ne'ebé nia susesor
sei simu poste, susesor ne'ebé sei eleitu entre kandidatu na'in ualu ne'ebé
agora daudaun halo kampaña.
SAPO
TL ho Lusa - Foto@ António Sampaio /EPA
Sem comentários:
Enviar um comentário