quinta-feira, 25 de maio de 2017

MUDA Prontu Lori CNRT Vitoria Elpar 2017

DILI – Movimentu Unidade Dezenvolvimentu Avansa (MUDA), deklara sira nia protidaun atu lori Partidu Congresu Nasional Rekonstruksaun Timorense (CNTR) ba Vitoria iha Eleisaun Parlamentar (Elpar) 2017.

Tuir Prezidente MUDA, Flavio Pereira Lopes katak, MUDA harii iha loron 8 fulan Maio 2017, nudar organizasaun masa partidu CNRT, ho nia estrutura 50% too iha nivel postu iha teritoria Timor Leste laran tomak.

Esforsu-an luta makas liu tan partidu CNRT manan maioria absoluta iha eleisaun parlamentariu, hodi ukun mesak iha 2017,” dehan Flavio liu husi konferensia imprensa, neebe mak halao iha Delta II, Comoro-Dili, Kinta (25/05/2017).

Prezidente MUDA tenik, pronto servisu fo-an tomak, luta hamutuk ho lider nasional RDTL, Kay Rala Xanana, nudar Prezidente partidu CNRT ho Timor oan hotu, hodi bele dezenvolve nasaun RDTL ba ita tomak.

Iha fatin ketak, Reprezentante Programa Oficer AJAR, Inocencio Xavier esplika, demokrasia ema hotu iha liberdade atu halo deklarasaun hodi afilia ba kualker partidu, no mos harii organizasaun hodi apoiu partidu. Raimundo S. Fraga

Suara Timor Lorosae

Sem comentários: