Ajente PNTL Foun Rezerva 184 Hahu Tama Formasaun

DILI - Ajente Polisia foun hamutuk 184 neebe kategoria ajente rezervadu husi vagas 500  PNTL liu husi rekrutamentu tinan 2014 liu ba hahu, Segunda (10/7/2017) tama formasaun ba kintu kursu.

Komandu Jeral Polisia Nasional Timor- Leste (PNTL) Komisariu Julio da Costa Hornay dehan, ajente 184 neebe foin tama ba formasaun kintu kursu nee rezerva.

Husi rejultadu konkursu neebe ita loke uluk ho vagas 500, maibe sira neebe ultra pasa valor minimu 60 ba leten, nee sira liu duni bareira,”dehan Julio ba jornalista sira iha Akademiku Polisia Comoro, Segunda (10/7/2017).

Tuir Komissario nee, uluk koloka sira nuudar rezerva bainhira ema nain 500 kursu iha terseiru no kuartu tama mak balu moras no balu rezigna-aan nunee mos tanba asidente ruma entaun sira labele tuir kursu, bolu fali sira rezerva nee para priense numeru sira nee.

Maibe sira hamutuk 200 resin nee boot liu sira lamenta iha nee no protesta ida nee, entaun hatoo informasaun nee ba iha governu liu husi Ministeriu Interior (MI) atu governu tur hamutuk hodi desidi katak ema 200 resin neebe rekruta foun fila-fali nee barak liu ona.

Tanba nee, ita desidi duni rezerva ema nain 200 resin nee tama, maibe ema nain 200 resin nee depois kuartu kursu ita halo selesaun balu iha terseiru kursu husi aktu vagas 500 nee lapriense tanba balu moras. Tanba nee mak bolu fali sira neebe rezerva nee mai para kompleta numeru 274.

Iha Sorin seluk Observador Politik iha UNTL, Camilo Ximenes  rekomendasaun katak, prosesu rekrutamentu nee peresiza muda tanba bainhira rekruta  ema liu vaga maibe tenke liu tinan barak hafoin fo formasaun.

Hau nia rekomendasaun katak, kuandu iha tinan ida mak ita ladisponivel, ita labele rekruta ema barak lahalimar, depois ema nee liu tiha tinan ida ka rua mak ita foin fo formasaun ba sira, hau hanoin ladun diak.  Maibe kuandu ida nee desizaun superior nia ita labele tau kestaun maibe hau atu rekomenda deit rekrutamentu ida nee ladun diak tanba ema hein tinan barak hafoin hetan formasaun,” dehan Camilo.

Tuir nia diak liu, rekruta ema ho numeru neebe tuir vaga para fo formasaun karik formasaun dala ida. Lucia Ximenes

Suara Timor Lorosae