DILI,
(TATOLI) – Governu aprova ona Marka Turizmu Timor-Leste nian ba dahuluk
ne’ebé aprezenta husi Ministériu Turizmu Arte no Kultura (MTAK) no hetan apoiu
másimu husi Asia Foundation no Ministru Estadu, Koordenadór Asuntu Ekonómiku
(MEKAE).
Diretór
Nasionál Promosaun no Relasaun Internasionál, MTAK, José Dias Quintas hatete,
ba oin ministériu sei serbisu maka’as hodi promove Marka Turizmu Timor-Leste
nian.
“Marka
Turizmu ida ne’e oinsá atu promove Timor-Leste nu’udar destinu turístiku foun
nomós oinsá atu atrai ema tanba iha slogan ne’e rasik esplika kona-ba Explore
The Undiscovered hanesan fatin ida ne’ebé ema seidauk esplora entaun oinsá
bele dada ema mai vízita iha Timor-Leste”, informa José iha Palásiu Governu
hafoin aprezenta iha enkontru Konsellu Ministru, ohin.
José
sublina MTAK marka istória ida tanba foin ba dahuluk Timor-Leste iha marka
turizmu ne’ebé importante kuandu halo pomosaun iha rai-liur.
Esplorasaun
turístika ne’e sei esplora iha área tasi-laran, rai leten, istória, kultura no
buat barak ne’ebé iha munisípiu 13 iha fatin barak ne’ebé ema seidauk bá vízita
no turista sira sei uitoan entaun halo promosaun hodi dada ema sira bá vízita.
“Konsellu
Ministru ohin aprova ona, téknikamente ami sei haree depois hahú tau osan ba
tinan oin halo promosaun másimu liuliu kona-ba marka ida ne’e tanba ko’alia
kona-ba turizmu nasaun hotu-hotu iha marka, entaun ita Timor-Leste mós iha
marka ona ne’ebé bá oin Governu tenke tau osan maka’as para komesa halo
promosaun iha rai-liur”.
Prosesu
sobre promosaun nian, dahuluk sei halo iha Timor-Leste atu timoroan sira komesa
konese didi’ak ona marka maka foin halo iha estranjeiru.
“Marka
ida ne’e bele muda, la’ós fiksu no marka ida ne’e reprezenta koor ita-nia
bandeira, uma lulik hanesan reprezenta ita-nia kultura depois iha loron matan
tanba Tetun Ita dehan Timor Lorosa’e entaun ida ne’e mós reprezenta ita-nia
nasaun”.
Jornalista:
Maria Auxiliadora | Editora: Rita Almeida
Foto:
Enkontru Konsellu Ministru, ohin. Foto GPM
Sem comentários:
Enviar um comentário