Komandante
hosi forsa sira Defeza timoroan nain apela ona iha loron-segunda ne'e ba líder
polítiku sira atu estuda esforsu ida hosi meiu tékniku sira ho humanu sira hosi
instituisaun, hodi buka fortalese kapasidade hodi hatán, inkluzive iha
protesaun tasi nian.
Forsa
sira defeza timoroan nian ko'alia hela ho "defisiénsia oioin", susar
no problema sira, liuliu iha nível hosi rekursu ema sira nian" ne'ebé
presiza aumentu hosi kapasitasaun, hatete hosi major-jeneral Lere Anan Timur.
Nia
husu mós aumentu ba apoiu sira ba sé maka reforma hosi kareira militar, barak
mai hosi rezisténsia hasoru okupasaun indonéziu nian no agora moris "iha
situasaun dramátiku sira no mizerável sira" ne'ebé justifika liután
asisténsia.
Major-jeneral
Lere Anan Timur, xefe Estadu-Maior Jeneral hosi forsa sira defeza nian
(F-FDTL), aproveita ona vizita dahuluk hosi Prezidente timoroan, Francisco
Guterres Lu-Olo, (ne'ebé simu pose iha loron 20 Maiu), ba instituisaun hodi
husik apelu oioin.
Vizita
ne'e akompaña hosi responsável prinsipal sira F-FDTL nian no mós hosi
primeiru-ministru, Rui Maria de Araújo, no hosi ministru Defeza, Cirilo
Cristóvão.
Prezente
sira rona ona intervensaun oioin kona-ba konseitu estratéjiku foun hosi defeza
nasional, kona-ba situasaun ne'ebé maka F-FDTL hasoru no perspetiva sira ba
tinan hirak tuirmai.
Ba
Lere hanesan importante aumenta kapasidade hosi rekrusu humanu sira hodi
hametin profisionalizmu hosi instituisaun "ne'ebé la'ós de'it hatene halo
kontinénsia ka trata uniforme", maibé hanesan "konseitu ida
importante liu maka hametin" F-FDTL.
Lere
hatete katak iha tempu hanesan fortalese meiu tékniku sira, material sira ho
humanu sira ne'ebé maka halo parte iha forsa - hanesan ezemplu hodi garanti ho
di'ak kapasidade iha tasi no ar - hanesan importante hodi proteje soberania
nasional.
"Ha'u
apela ba líder polítiku sira hodi aumenta liután kondisaun sira. Urjente ba
aumentu kondisaun sira no prioridade sira hanesan rekursu humanu. Ami presiza
mós formasaun iha nasionalizmu ho patriotizmu", nia hatutan mós.
Kona-ba
lian, nia defende katak aumentu investimentu iha ensinu portugés ho mudansa ida
hosi situasaun ne'ebé maka doador sira, hanesan Portugal, investe liután duké
Timor, kontrata tan profesor sira hodi garanti atu ko'alia liután lian ofisial.
Ba
joven sira, Lere hatete katak kapasidade lideransa nian "la depende de'it
hosi kursu ida", maibé mai "hosi kapasidade hodi moris no ultrapasa
situasaun susar sira", nune'e tenki evita "mentalidade hosi egoízmu
sira, ambisaun no arogánsia sira" hasoru sira ne'ebé maka katuas liu.
"Jerasaun
tuan liu iha knaar importante tebes ida iha dezenvolvimentu nasaun nian",
nia fó hanoin.
Durante
vizita, xefe Estadu timoroan iha oportunidade hodi koñese pontu situasaun hosi
F-FDTL ne'ebé agora daudaun halo parte hosi efetivu hamutuk na'in 2.198, ne'ebé
iha ofisial na'in 302, sarjentu na'in 608 no prasa na'in 1.288.
Koronel
Falur Rate Laek, xefe Estadu Maior Forsa Armada nian, explika katak objetivu
maka to'o tinan 2020 númeru total aumenta ba na'in 3.600.
Efetivu
sira kontinua hetan benefísiu hosi formasaun iha Timor-Leste no mós iha nasaun
sira seluk, entre sira maka iha Portugal, hala'o daudaun akordu oioin hosi
asisténsia téknika nian.
Agora
daudaun halo hela kursu internu sira ba efetivu na'in 269 no iha formasaun iha
nasaun oioin ba elementu na'in 39 hosi F-FDTL, na'in neen iha Portugal.
Falur
Rate Laek fó sai kona-ba situasaun negativu no ho falta manutensaun ne'ebé maka
hasoru iha infraestrutura militar sira, ho kapasidade limitadu ba transporte
tátiku no administrativu, ho ekipamentu ba unidade sira enjeñaria nian no saúde
no kapasidade limitadu ba komunikasaun nian.
Aumentu
hosi atividade operasional no formasaun implika gastu maka'as nune'e, hanesan
ezemplu, parte barak hosi karreta sira presiza ona manutensaun ho folin ne'ebé
aas.
F-FDTL
ba tinan ne'e iha orsamentu total ida hamutuk dolar millaun 20,76, aas oituan
duké millaun 19,17 iha tinan liubá, maibé folin ne'e inklui millaun 3,5 ba
operasaun adisional sira, iha ligasaun ba eleisaun.
Metade
hosi orsamentu, besik millaun 8,26 destinadu ba saláriu no vensimentu sira no
millaun sia ba sasán no serbisu sira.
SAPO
TL ho Lusa
Sem comentários:
Enviar um comentário