Iha
loron-segunda ne'e, Koreia-Norte akuza ona Governu japunés hodi "estimula
militarizasaun iha nasaun" no prepara "invazaun foun ida ba península
koreanu", mosu tanba releisaun hosi primeiru-ministru Japaun, Shinzo Abe,
iha loron-domingu.
Iha
komunikadu ne'ebé fó sai hosi ajénsia estatal norte-koreanu KCNA, rejimi ne'ebé
lidera hosi Kim Jong-un halo ona akuzasaun sira hasoru "reasionáriu
jaounés sira".
Tuir
Pyongyang, Shinzo Abe tenta justifika eleisaun antesipadu sira ne'ebé akontese
iha Japaun ho nesesidade hodi hasoru Koreia-Norte no, nune'e, "permanese
iha poder no loke dalan ba invazaun foun ida iha península koreanu".
Japaun
"hahú organiza fali karikatura polítika aat ida, ne'ebé hatudu nia oin
loloos, hosi estadu ne'ebé la'ós pasífiku ne'ebé halo ona ajitasaun foun ida ba
nia militarizasaun", refere hosi deklarasaun.
"Agora
loos ona katak Japaun apoia preparativu sira ba invazaun foun, ho apoiu hosi
Estadus Unidus, RPDC (naran ofisial nasaun nian, Repúblika Popular Demokrátika
hosi Koreia) iha direitu hodi foti kontramedida todan sira hodi defende
aan", hatutan komunikadu ne'e.
Deklarasaun
aviza ba "reasionáriu japunés sira" katak Koreia-Norte "iha
pozisaun estratéjiku ida hanesan poténsia nuklear".
Iha
loron-segunda ne'e, primeiru-ministru japunés hatete ona katak nia vitória
metin permiti hala'o "medida violentu sira hasoru ameasa norte-koreanu
nian", hafoin justifika realizasaun hosi eleisaun antesipadu sira katak
hodi hametin Ezekutivu hasoru dezenvolvimentu beibeik hosi arma sira iha
Koreia-Norte.
Aleinde
ne'e, vitória ne'ebé hetan hosi nia partidu permiti atu Abe hahú prosesu susar
oioin hosi reforma Konstituisaun japuneza nian, fila ba dame, inisiativu
polémika ida ne'ebé defende hosi primeiru-ministru japunés hodi aumenta kbiit
sira hosi defeza nasional.
Maibé,
Shinzo Abe nia ambisaun hasoru rezisténsia maka'as iha Xina no iha Koreia-Súl.
SAPO
TL ho Lusa
Sem comentários:
Enviar um comentário