Juventude Hadomi Natureza Hasoru PR Lú Olo

DILI - Juvetude neebe maka hamahan aan iha organizaun Estudante Hadomi Natureza hasoru malu ho Prezidente Republika Francisco Guterres Lú Olo, hodi informa existensia organizasaun nee.

Tuir Flaviano da Costa nudar Prezidente Asosiasaun Juventude Hadodmi Natureza hateten hasoru malu ho Prezidente Republika ho objektivu hodi informa ba xefe estadu kona ba existensia organizaun, nunee informa aktividade no programa organizasaun nian.

“Ami iha divisaun ida neebe maka halo aktividade sae foho, halo sosialisaun, kuda ai oan iha area neebe konsidera risku ba dezastre inklui iha area sira seluk,” dehan Flaviano, ba jornalista sira hafoin remata enkontru ho Prezidente Republika Francisco Guterres Lú Olo iha Palasiu Prezidesial Nicolau Lobato, Bairru Pite, Segunda (23/10/2017).

Nia dehan atividade neebe maka organizasaun juventude hadomi natureza halo dahuluk maka iha tinan 2014 bainhira sira rona komunidade sira iha Baucau area  Venilale, fo informasaun katak kuase rai hektar sanulu halai neebe komdunidade sira iha fatin refere hakarak husu ajuda  hodi trasforma sira nia fatin neebe maka iha momentu sai hanesan natar ba ailaran tuan.

Organizaun Juventude Hadomi Natureza tuir Fraviano katak organizasaun nee rasik nian ejistensia hahu husi 16 de Junu 2016, no agora iha nia membru nain tolu nulu no ba membru husi organizasaun nee rasik mai husi estudante sekundaria too ensinu superior sira iha Dili laran. 

Natalino Costa | Suara Timor Lorosae