DILI,
(TATOLI) – Deputadu bankada Fretilín, Antonino Bianco afirma, la iha dalan atu
eis membru governu ho deputadu sira hetan eskolta hosi polísia, sala, bainhira
eis membru governu balun sei hetan eskolta.
“Eis
membru governu balun hetan seguransa polisiál tenke toma responsabilidade, sé
mak la’ós ona membru governu efetivu no sé bele membru governu agora mós labele
lori polisia atu fó seguransa exceptu eis titulár sira,” Antonino Bianco bolu
dehan, plenária, Parlamentu nasionál, ohin.
Bianco
observa to’o ohin loron eis membru governu balun kontinua hetan seguransa hosi
membru Polisia Nasionál Timor-Leste (PNTL), maibé sira nia estatutu la’ós membru
governu ona. Nune’e mós ba deputadu sira la iha dalan atu hetan seguransa hosi
autoridade polisiál.
“Uluk
iha tempu UNTAET, ha’u hanesan Ministru Administrasaun Interna maibé ha’u nunka
lori polisia atu fó seguransa ba ha’u,” Antonino kompara.
Hodi
husu ba reprezentante povu labele ta’uk, ohin loron maski situasaun difisil
maibé rai no povu hakmatek hela.
Nune’e
husu ba eis membru governu ne’ebé mak sei hetan eskoltu hosi polísia di’ak liu
hapara, satan reprezentante povu alias deputadu.
“Nasaun
demokrasia nune’e duni katak iha duni diverjénsia ideia maibé kuandu reprezenta
povu ona labele tauk fali nia povu.”
Jornalista:
Zezito Silva | Editór: Manuel Pinto
Foto
Espesial
Sem comentários:
Enviar um comentário