terça-feira, 28 de novembro de 2017

TMR Lamarka Prezensa, Valentim: Governu Fo Konvite

COVALIMA - Maske Governu liu husi Ministeiru ESTATAL fo konvite ba eis Prezidente Republika Taur Matan Ruak (TMR), hodi partisipa iha komemorasaun loron 28 Novembru, maibe lideransa nee nomos Parlamentar lamarka sira nia prezensa iha loron importante nee.

Ministru ESTATAL Valentim Ximenes hateten, Governu konvida agora mai ka lamai depende ba eis Prezidente Republika Taur Matan Ruak, tanba sira nee maka luta nain, sira nee maka nain ba eventu ida nee.

“Ami konvida agora mai ka lamai depende ba eis Prezidente Republika Taur Matan Ruak, sira nee maka luta nain, sira nee maka nain ba eventu ida nee,” dehan Ministru Valentim, ba jornalista sira, iha kampu Ladi, Covalima, Tersa (28/11/2017).

Portantu Ministru Valentim Ximenes hateten, Konvida fo hanesan luta nain, hanesan eroi da patria, fo hanesan fundador, fo hanesan estadista lakoi halai ba partidu iha nee laiha partidu ida, tanba ida nee festa ba povu Timor tomak, laos ba partidu.

Iha fatin hanesan Virgilio Smith hateten, nia laos politiku, nia mai tuir ekipa tekniku servisu estadu nian, tanba nee nia laiha komentariu,I nia mao mos laos em nome do partidu maibe em nome do prezidente da komisaun homenagem nebe maka kaer ba assuntus veteranus sira.

Carme Ximenes/Maria Lay | Suara Timor Lorosae

Sem comentários: