AMP Ansi Debate Mosaun Sensura, Adriano: Vida Nasaun no Povu Importante Liu

DILI – Aliansa Maioria Parlamentar neebe kompostu husi partidu CNRT, PLP no Khunto ansi Governu atu halo debate lalais mosaun sensura neebe maka sira aprezenta, maibe parte Governu koloka vida nasaun no povu maka importante liu atu debate urjenti.

Maske nunee Governu disponibel ona, atu halo diskusaun ba mosaun sensura nee iha dia 31 Jeneiru agora.

Ministru Prezidensia Konsellu Ministru Adriano do Nascimento hateten, AMP hakarak debate mosaun sensura nee tenke urjente, maibe governu dehan laos urjente, tanba ba governu urjente agora maka atu koloka orsamentu dua desimu neebe ke foin deside, tanba jere vida nasaun ho povu nee maka urjenti, laos mosaun sesnura maka urjenti.

Ba governu urjente agora maka atu koloka orsamentu dua desimu neebe ke foin deside, nee ami tenke reniaun ho Direitores no Ministeiru sira hotu fo orientasaun, tanba buat ida nee neebe ke ita infrenta hela, urjenti seluk maka ita hare rai udan ona, Governu tenke hare nesesidade urjenti povu nian, agora ita hakarak uluk ami lori Orsamentu Ratifikativu ba urjenti sira dehan laurjenti,” dehan Ministru PCM Adriano ba STL, iha ninia servisu fatin, Palasiu Governu, Segunda (15/01/2018).

Mosaun sensura tuir Ministru PCM Adriano katak, Tetun nee hatun governu, neebe atu hatun governu nee urjenti fali nee mos lalos, neebe depende governu nia posizaun maka nee 31 maka halo diskusaun, se lakoi 31 konformi AMP.

Iha reuniaun lider bankada foin dadauk, deputada ida husi CNRT hateten, sira atu halo plenaria mosaun sensura seim Governu nee labele, tanba hanesan Timor oan se atu hatun ema nee, ema nee labolu mai para diskute depois hatun deit.

Iha parte ketak Xefi bankada PLP Fidelis Magalhaes hateten loron 31 nee rejista sira rasik diskordansia ho loron nee, wanhira sira halo konferensia iha lider bankadas mos rejista kedan katak, lakonkorda ho data nee, neebe sira ekspresa ida nee iha konferensia lider bankadas, tenke rejista sira nia diskordansia.

Entretantu membru PN husi bankada CNRT Natalino dos Santo hateten, Data 31 sengaja para atu dada, tuir lolos mosaun nee ajenda ba iha dia 8 de Janeiru maibe Prezidente Parlamentu Nasional latama, depois agora dehan ba fali Governu nian 31. 

Carme Ximenes/Maria Lay | Suara Timor Lorosae