segunda-feira, 15 de janeiro de 2018

Balansu foun: Pelumenus ema na'in 72 kanek bainhira parte balun rahun iha Bolsa Jakarta nia laran

PARTILHAR

Númeru hosi ema sira kanek iha parte balun rahun, iha loron-segunda ne'e, iha edifísiu ne'ebé instaladu Bolsa Valor sira Jakarta nia laran aumenta ona ba hosi na'in 28 ba na'in 72, indika hosi balansu foun hosi autoridade indonéziu sira.

Tuir fonte sira hosi polísia indonéziu nian, entre ema sira ne'ebé kanek iha estudante hamutuk sanulu resin ne'ebé, iha oras asidente nian, vizita edifísiu ne'ebé situa iha tore rua hosi Bolsa Valor nian ne'ebé nia pizu intermédiu ida nia kakuluk monu.

Agora daudaun, seidauk iha informasaun ba vítima mortal sira, no ema sira ne'ebé kanek lori ona ba ospital oioin iha kapital.

Maibé, maioria hosi traballador sira Bolsa nian fila ona ba sira nia fatin serbisu ba sesaun loraik nian.

Imajen sira hosi MetroTV hatudu entrada bolsa nian nakonu ho parte balun rahun nian no ema sira sai hosi edifísiu ho ajuda.

Iha fatin seluk, iha deklarasaun sira ba jornalista siram porta-vós hosi polísia Jakarta nian, Argo Yuwono, hadook ona posibilidade katak iha ligasaun ho explozaun ida, maski sei halo investigasaun sira.

Iha momentu dahuluk, forsa espesial indonéziu sira nian to'o ona iha fatin asidente tanba admiti ona posibilidade hosi atentadu.

Iha loron 24 Maiu liubá, estremista islámiku na'in rua halo nakfera aan iha estasaun ida hosi transporte rodoviáriu iha Jakarta, halo ajente polísia na'in tolu mate no atentadu ne'e reivindika hosi movimentu ida ne'ebé besik ho grupu Estadu Islámiku.

Indonézia, ne'ebé nia populasaun musulmanu reprezenta besik 88% hosi populasaun millaun 260 resin, hetan beibeik atentadu oioin ne'ebé maka halo hosi estremista islámiku sira, ho destake ba atake ne'ebé rejisla iha illa turístiku Bali, iha tinan 2002, ne'ebé halo ona ema na'in 202 mate.

SAPO TL ho Lusa | Foto@ Adi Weda /EPA
PARTILHAR

Author: verified_user

Publicação luso-timorense sem fins lucrativos

0 comentários: