segunda-feira, 15 de janeiro de 2018

Ha'u Rezigna Aan Bele Mosu Problema Boot


GLENO: Primeiru Ministru, Mari Alkatiri, lamenta ho deklarasaun husi Deputadu husi bloku opozisaun Aliansa Maioria Parlamentár (AMP), ne’ebé husu nia atu rezigna aan husi kargu Xefe Governu.

Tuir nia, sosiedade Timor laran tomak, liuliu Igreja no veteranu apoia nia mandatu. Ne’e duni, bainhira Primeiru Ministru sai husi nia kargu, posibilidade sei mosu problema boot iha nasaun ne’e.

PM Alkatiri dehan, nia sei la rezigna-aan, maibé kontinua apresia ho novidade sira ne’ebé mai husi bloku AMP nia deklarasaun atu demite-aan husi kargu Primeiru Ministru.

“2006-2007 oin seluk, tanba ha'u lakohi haree ita nia ema iha refujiadu, mate no fakarraan tanba nasaun ne’e independénsia ona”, tenik nia, iha Gleno-Ermera, Sesta (12/1).

Nia deklara, bainhira husik kargu Primeiru Ministru, militante no simpatizante partidu FRETILIN nian la fiar ona Sekretáriu Jerál partidu ne’e nian.

Ne’e duni, rezigna-aan husi kargu Xefe Governu nunka mais, maibé hakarak atu fó fila ba povu rasik mak atu deside.

“Bainhira ha'u rezigna-aan, ha'u bele halo jogu ida ne’ebé la’ós ona demokrátiku mós,” deklara PM Alkatiri.

Tanba ne’e, Primeiru Xefe Governu ne’e lakohi akontese tan kazu sira pasadu iha 2006 2007. Ne’ebé mosu krize halo povu Timor-Leste balun fakar raan, lakon família no refujiadu monta iha fatin-fatin iha tempu ukun-aan nia laran.

Maibé, to’o oras ne’e povu Timor-Leste nia maturidade aas liu, nune’e hamatek ona, maibé polítika na'in sira mak agora soran malu iha PN.

Tanba ne’e, nu’udar Xefe Governu kontinua fó korajen ba povu Timor Leste tomak labele haksoit tuir polítika na'in sira, tanba ikus mai povu mak sai vítima.

Artur da Luz | Independente

3 comentários:

DIREITU ADMINISTRATIVU KONSTITUSIONAL TIMOR-LESTE disse...

Hau hanoin Sr. Mari ALKATIRI Rezignaan husi Primeru Ministro, povu hotu-hotu kontenti. se la fiar Sr. Mari Alkatiri Rezignaan tok ba, fiar katak nunka iha problema ida atu mosu iha nasaun ida nee.

Unknown disse...

Problema sei mosu waihira hadau deit ukun ho força ne'ebe nia Ligitimidade husi Povu laiha.

Foho'Rai disse...

Koko tun tia lai ba'!?!
Depois mk halo Jogu ba par Avo,Nana hare tok Jogu ne..

Hehehehe