DILI - Tribunal Distrital
Dili iha loron 26/02/2018 kontinua rona deklarasaun husi arguidu Martinho
Gusmao ba kazu pekulatu neebe involve mos eis Ministru Gastao Souza .
“Iha Primeiru hau husu
verbalmente ba Eis Primeiru Ministru Kay Rala Xanana Gusmao atu lelaun
kareta, maibe dehan lelaun kareta la iha, sei konfirma ba
Ministeriu balun para bele ajuda kareta hodi halao aktividade Paroquia Santo
Antonio Manatutu nian,” deklara arguidu iha sala audensia julgamentu Tribunal
Distrital Dili, Segunda, (26/02/2018).
Nia hatutan, kona ba manutensaun,
responsabilidade ba Ministeriu Obras Publika ninian, maibe kona ba konbustivel
nee responsabilidade husi Dioseze nian.
Iha kazu nee arguidu Gastao de
Sousa hetan akuzasaun primeiru, husi MP ho krime pekulatu kontra artigu 295 no.
1& 3 ba autoria material ho arguidu Diogo da Silva, segundu, krime pekulatu
ida seluk maka kontra artigu 295 no. 1, 41no 34 ba autoria material ho arguidu
Jordy Sousa no Viali, terseiru maka krime administrasaun danoza kontra artigu
274, no 2 & 3 ba kumplisidade ho arguidu Martinho Gusmao.
Arguidu Diogo da Costa MP akuza
ho primeiru, krime pekulatu, iha artigu 295 no. 1& 3 ba autoria
material ho arguidu Gastao de Sousa, segundu nafatin ho krime pekulatu ho
artigu 295 no 41 no terseiru maka krime falsifikasaun dokumentu kontra
artigu 303 no 1 alinea A no 41.
Arguidu Jordy sousa no Viali mete
iha co-autoria material neebe MP akuza ho krime pekulatu kontra artigu 295, no
1, 41 no 34 ba autoria material ho arguidu Gastao de Sousa.
Arguidu MG komete ba kumplisidade
material neebe MP akuza ho krime administrasaun danoza kontra artigu 274, no 2
& 3 ba kumplisidade ho arguidu Gastao Sousa.
Audensia julgamentu nee prezide
husi Juiz koletivu, juiza Albertina Neves, juiza Zumiaty Freitas ho juiz
Antonio do Carmo, Ministeriu Publiku reprezenta husi Prokuradora Lidia Soares
ho Prokurador Jacinto Babo, arguidu sira hetan asistensia legal husi defensor
publiku.
Notisia kompletu lee iha jornal
edisaun Tersa (27.02/2018).
Terezinha De Deus | Suara Timor
Lorosae
Sem comentários:
Enviar um comentário