PD: Militante Afilia Hadaet Virus

DILI – Oras nee dadaun militante Partidu Politiku (parpol) sira komesa afilia husi partidu ida ba partidu seluk, maibe militante Partidu Demokratiku (PD), afilia atu hadaet virus, tanba too eleisaun sei fo votus ba PD.

Kestaun nee hatoo husi Deputadu Bankada PD Luis Mendes Ribeiro katak, sira ladehan militante partidu seluk afilia ba PD, maibe atu dehan katak, militante seluk tama ba PD nee sira fila fali ba knua uluk , tanba militante CNRT no PLP  no parpol sira  seluk nee uluk masak kuadru PD nian.

“Militante PD ba iha partidu seluk, ami so atu dehan deit partidu seluk atu simu PD nia militante koidadu, tanba lori moras ambisaun atu ba hadaet. Ida nee hanesan virus ida lori ba partidu seluk, i nee katak ami mak orienta duni atu sira lori moras nee ba tama partidu seluk atu nunee labele avansa ba oin,” katak Luis ba Jornalista Segunda, (26/02/2018) iha Bankada PD, PN. ba PD.

Nia afirma, estratejia PD iha 2, agora militante parpol seluk mai PD, tanba sira fila hikas ba knua uluk.  Ida seluk PD nia ema ba partidu seluk nee lori moras ba parpol seluk.

Hatan ba kestaun nee deputadu husi Bankada Khunto, Jose Agustinho da Silva hatete, kona ba deklarasaun afiliasaun husi partidu balu ba partidu seluk, nee direitu siviku ema ida-idak nian, laiha regras ida atu bandu.

Foin lalais nee iha militante partidu balu halo deklarasaun ofisial hodi afilia ba iha AMP, nee direitu siviku atu halo adezaun, tanba nee labele limite, i lakonsidera hanesan virus. Neebe militante sira iha direitu atu deside  ba iha partidu neebe. 

Notisia kompletu lee iha jornal edisaun Tersa (27.02/2018).

Guilhermina Franco | Suara Timor Lorosae