DILI, (TATOLI) – Komisaun
Nasionál Eleisaun (CNE-sigla portugés) husu ba koligasaun Partidu Forum
Dezenvolvimentu Demokrátiku (FDD) ne’ebé kompostu hosi Partidu Unidade
Dezenvolvimentu Demokrátiku (PUDD), Uniaun Demokrátika Timorense (UDT), Partidu
Dezenvolvimentu Nasionál no Frente Mudansa atu hadi’a fila fali sigla ne’ebé
iha ona.
“CNE simu ona lista koligasaun
partidária mak Forum Dezenvolvimentu Demokrátiku (FDD) maibé iha ámbitu
apresiasaun no verifikasaun identifika sigla ne’ebé presiza hadi’a fila fali
hodi konklui no obedese norma”, Prezidente CNE, Alcino Barris, ba jornalissta
sira liuhosi konferénsia imprensa iha sentru ba mídia Kaikoli, foin lais ne’e.
Tanba lei númeru 2/2016 kona-ba
partidu polítiku (ParPol) iha artigu 12 konsta denominasaun sigla ka atributu
ParPol uza iha eleisaun antesipada labele uza hanesan ho naran konfisaun
relijioza, naran ema nian no imajen konfisaun relijioza nian.
Haree ba rigór, lei númeru
12/2016, koligasaun partidária presiza atu averigua hamutuk ho responsavél
másimu koligasaun FDD nia sigla hodi hadi’a.
Enkuantu lei numeru 12/2016,
númeru 16.6 no lei númeru 9/2016 ne’ebé fó biban ba CNE atu halo apresiasaun no
verifikasaun dadus hosi koligasaun partidária, tanba ne’e kuandu la tuir regra
CNE iha kompeténsia atu la aprova.
Maibé ne’e la’os finál, sei
kontinua haree iha tribunál rekursu maibé la tuir norma nafatin signifika CNE
deside la pasa no konkorente sira mak tenke foti ba tribunál rekursu atu
invalida eh valida.
Tanba ne’e, CNE
ezije koligasaun sira atu kumpri rekezitu nune’e bele priénse prosesu
tomak.
Entretantu, Sekretariu Jeral FDD,
José Monteiro, hatan ba preokupasaun ne’e katak CNE halo ona apresiasaun no
verifikasaun ba dokumentu FDD maibé iha parte sigla no imajen balun ne’ebé CNE
haruka hadi’a no ami konsege reune ho órgaun eleitorál hodi buka alternativa
hafoin rezolve kedan.
Jornalista: Zezito Silva | Editora:
Rita Almeida
Imajen: Prezidente CNE, Alcino
Barris. Foto Antonio Goncalves
Sem comentários:
Enviar um comentário