Lixu iha capital Dili sai ona
fenomena ne’ebe la iha rohan atu solusiona. Iha bairo-bairo no kuaze sikun sira
sidade Dili nia laran sempre iha lixu ne’ebe soe naklekar.
Maske Governu, liu husi
Autoridade Munisipiu Dili, kontrata kompñia nasional balun hodi responsabiliza
hamosu sidade Dili, maibe lixu kontinua envade sidade Dili. Sa tan iha tempu
udan, lixu tun husi foho mai intupidu hela iha tetuk sira kapital Dili nian
hodi nalihun tama to’o Estrada laran.
Iha tasi ibun sira Dili nian,
hahu husi Kristu Rei tesi kai Area Branca no liu ba Bairus Pantai Kelapa nian,
sempre hafutar ho lixu, hanesan plastiku, aqua mamuk, kaleng a’at, no sira
seluk tan.
Direktor Trade Invest Timor
Leste, Arcansio da Silva hateten, lixu nakonu iha tasi ibun estraga imajen
Timor Leste. Tanba ne’e, husu ba entidades no komunidade hotu atu koida ambente
tais ibun atu garante tasi ibun livre husi lixu.
“Ita nia rai tenke mos liu
liu potensia iha tasi ibun hanesan iha área branka hanesan fatin
desde tempu Português hanesan fatin visitantes sira mai turista lokal no
internacional,” informa Arcansio da Silva ba jornalista iha área Branca, Dili,
Sesta (16/2/2018).
Apoia inisiativa Movimentu Tasi
Mos
Iha parte seluk, Vise Ministru
Dezemvolvimentu Habitasaun no Ambiente, Abrão Grabriel do Santos Oliveira
hateten, grupo Movimentu Tasi Mos hanesan fo motivasaun tanba ne’e
presiza apoiu sira nia inisiativa.
“Ita hotu koalia kona-ba lixu
dehan responsabilidade husi Governu, maibe ita hotu nia
responsabilidad,” afirma Abrão de Oliveira. ety
GMN TV | Grupo Média Nacional
Sem comentários:
Enviar um comentário