Asina Akordu FM: Atinje Potensial Ekonomika

Nova Iorke: Australia ho Timor-Leste asina ona tratadu final konaba disputa fronteira maritima, ne’ebé hetan sasin husi Sekretariu Jerál ONU, António Guterres no membru ONU sira seluk.

Benefisiaria husi asinatura akordu ne’e, movimentu ida ne’ebé bele hatama reseitas billaun dollar Amerika husi explorasaun mina no gas ba Timor-Leste.

Asina akordu tratadu fronteira maritima ne’e hala’o iha sede Organizasaun Nações Unidas (ONU) iha Nova Iorque, husi.

Ministra Negósius Estranjeirus Austrália nian, Julia Bishop, ho Ministru-Adjuntu Primeiru Ministru nian ba Delimitasaun Fronteira Timor-Leste, Hermenegildo Pereira.

Ministra Negósius Estranjeirus Austrália nian, Julia Bishop  hatete, akordu ida ne’e hanesan konkordánsia históriku ne’ebé mak loke kapitulu foun iha relasaun bilateral entre Australia ho Timor-Leste.

“Ida ne’e estabelese fronteira marítima permanente entre ami-nia nasaun ho mos Regime Espesial Greater Sunrise nian ba dezenvolvimentu, esplorasaun no jestaun konjuntu ba área gás Greater Sunrise nian,” dehan Julie.

Akordu ida ne’e refleta parseiru entre nasaun rua ne’ebé mak futu hamutuk iha área jeográfia no lasu profundu iha história ho amizade.

Hanesan belun di’ak no vizinho besik, Julia Bishop hatete, Australia hakarak TimorLeste bele atinji ninia potensial ekonomika.

“Ami hatene katak dezenvolvimentu Greater Sunrise buat importante loos hodi dezenvolve Timor-Leste. Ami fó obrigadu ba Komisaun Konsiliasaun independente ba ninia serbisu atu hetan opsaun dezenvolvimentu sira ba Greater Sunrise”.

Australia laiha preferensia konaba gazodutu ‘pipeline’ sei ba Timor-Leste ka Australia. Australia hakarak katak Greater Sunrise bele dezenvolve iha maneira ekonomikamente di’ak ne’ebe fó benefisiu barak ba Timor-Leste.

Ida ne’e sei presiza apoiu husi setor privado petroliferu, husi parseiru Joint Venture sira. Ninia kapasidade atu dezenvolve no jera projetu ida ne’e depende se viavel ekonomikamente ka lae.

“Ami sei serbisu nafatin no kontinua halo makas liu relasaun bilateral entre Australia ho Timor-leste,”tenik Julie.

Asina akordu FM ne’e, la hetan partisipasaun husi Primeiru Ministru Timor-Leste, Mari Alkatiri no Primeiru Ministru Austrália, Malcom Turnbull.

José Santo Amaral | Independente