quarta-feira, 23 de maio de 2018

Eleisaun: Tribunal Rekursu konsidera rekursu Fretilin nian hanesan laiha lójika


Juís sira hosi Tribunal Rekursu timoroan konsidera, iha loron-kuarta ne'e, rekursu ne'ebé hato'o hosi Fretilin "laiha lójika", Fretilin hanesan partidu daruak ne'ebé hetan liu votu iha eleisaun 12 Maiu nian, hanesan tanba deskonfia iregularidade oioin iha prosesu eleitoral. 

"Juís sira ne'ebé konstitui koletivu hosi Tribunal Rekursu desidi hodi julga hanesan la koerente rekursu ne'ebé maka hato'o hosi partidu Frente Revolucionária do Timor-Leste Independente (Fretilin)", refere hosi desizaun ne'ebé maka Lusa iha asesu.

Entre kesar sira ne'ebé hato'o hosi Fretilin, ne'ebé rejeita hosi tribunal, iha deskonfia sosa votu sira, uzu boletin falsu sira, falta boletin sira votu nian iha sentru ida votasaun nian no reklamasaun sira kona-ba kontajen sira no razaun sira seluk.

Desizaun loron-kuarta ne'e loke dalan atu Tribunal Rekursu agora bele valida rezultadu ikus sira hosi lejislativu antesipadu sira ne'ebé hatete katak Aliansa Mudansa ba Progresu (AMP) manán ho maioria absoluta.

SAPO TL ho Lusa

Sem comentários: