quarta-feira, 23 de maio de 2018

“Ha’u Hakarak Kongratula Timor-Leste”

PARTILHAR
DILI, (TATOLI) - Prezidente Estadus Unidus Amérika (EUA) Donald Trump kongratula estadu Timor-Leste ba komemorasaun loron restaurasaun independénsia ba dala-16, iha loron 20 Maiu.

Donald Trump hato’o mensajen liuhosi embazador EUA iha Timor-Leste ne’ebé haruka ba Tatoli, foin lalais ne’e.

“Lori povu Estadus Unidus nia naran, Ha’u hakarak kongratula Timor-Leste ba imi nia komemorasaun Loron Restaurasaun Independénsia iha 20 Maiu.” Prezidente EUA Donald Trump hato’o.

Nia afirma tan katak Estadus Unidus hamutuk ho povu Timor-Leste selebra tinan 16 Timor-Leste nia independénsia no dezenvolvimentu nu’udar sosiedade demokrátika ida.

“Ami louva kontribuisaun signifikante Timor-Leste nian nu’udar nasaun foun ida iha mundu ne’ebé tane as valor universal sira ba direitus umanus no lei no orden.”

“Ami espera atu hametin liu tan kooperasaun no amizade iha tinan hirak oin mai hodi apoia nasaun rua nia prosperidade, rejiaun Indo-Pasífiku ida ne’ebé livre no nakloke ba ema hotu inklui komunidade global ida ne’ebé hela ho dame.”

Ekipa Redasaun

Imajen: Prezidente Estadus Unidus Amérika (EUA) Donald Trump
PARTILHAR

Author: verified_user

Publicação luso-timorense sem fins lucrativos

0 comentários: