domingo, 15 de julho de 2018

Eis Deputadu Sei Laentrega Prado

PARTILHAR

DILI – Eis deputadu sira iha III lejislatura sei laentrega kareta prado, tanba sira sosa ona osan ho montante 8 mill, muda ona sapa matrikula ba privadi inklui hetan ona STNK, ho nunee prado nee privadu ona laos kareta estadu.

Kestaun nee hatoo husi Eis Deputadu Bankada Fretilin Aurelio Freitas katak, sira halo pedidu ba Prezidente PN, tanba rona informasaun iha publiku katak eis deputadu sira lori kareta estadu halai, maibe realidade sira la hodi kareta estadu halai, maibe lori kareta privadu.

"Ami husu ona dalan ikus mak ba iha tribunal, se tuir opiniuan publiku katak ami naok no ami hodi halai, nee ami prontu ba iha Becora no Gleno. Dalan seluk laiha, tanba hola kareta estadu husi alineasaun ho 8 mill, enkuantu kona ba osan 8 mill nee dehan fo fila ami lahatene, tanba nee ami sei laentrega, i kareta nee laos ona estadu maibe nee privadu,” katak Aurelio hafoin remata hasoru malu entre eis deputadu III lejislatura ho PPN, Kinta (12/07/2018) iha PN.

Nia dehan, kareta nee sira lori, tanba liu husi prosesu legal, desizaun Konslleu Administrasaun (KA) nian iha no 11/ III lejislatura iha fulan Maiu 2016.

Nunee mos Eis Deputada Bankada CNRT, Domingas Bilou Mali afirma, koalia kona ba kareta neebe mak eis deputadu sira lori nee, tanba tuir desizaun koletivu. 

Notisia kompletu lee iha jornal STL edisaun Sesta (13/07/2018)

Guilhermina Franco | Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: