DILI - Komandante Jeral PNTL
Komisariu Julio da Costa Hornay, halo inkontru semanal ho Prezidente da
Republika Francisco Guterres Lu Olo, hodi informa situasaun seguransa iha
teritoriu Timor laran.
Komisariu Julio Hornai hateten,
situasaun enjeral iha Timor laran lao hakmatek, no laiha problema neebe presiza
atensaun masimu, buat hotu hotu lao hakmatek.
"Situasaun enjeral hakmatek laiha
problema neebe signifikante para bele toma atensaun maximu, buat hotu lao
hakmatek, so problemas bain bain hanesan violensia domestika, iha joven sira
hemu tua lanu depois baku malu, maibe polisia halo atuasaun ida nee, maka ami
informa ba sua ekselensia PR,” dehan Komisariu Julio ba jornalista sira iha
Palasiu PR Nicolau Lobato, Bairu-Pite, Dili, Sesta (13/07/2018).
Nia mos informa tan, Prezidente
da Republika, konaba situasaun orsamental PNTL, neebe afeita servisu lojistik
instituisaun nee nian ba kombustivel no ba manutensaun transporte.
Iha biban nee Prezidente da
Republika Francisco Guterres Lu Olo konsideira situasaun ida nee, no sei
komunika ba Primeiru Ministru Taur Matan Ruak, atu hare oinsa solusiona
preokupasaun neebe PNTL hasoru nee.
Notisia kompletu lee iha jornal STL
edisaun Sabado (14/07/2018)
Carme Ximenes | Suara Timor
Lorosae
Sem comentários:
Enviar um comentário