Governu timoroan aprova iha
loron-segunda ne'e, iha sesaun estraordinaria Konsellu Ministru, kriasaun
Konsellu Interministerial ba Protesaun Sivíl no Jestaun Dezastre Naturais,
informa ezekutivu ne'e.
Iha nota ida ne'ebé maka divulga
iha pájina Facebook primeiru-ministru Timor-Leste nian, Taur Matan Ruak,
ezekutivu ne'e esplika katak konsellu foun ne'e sei responsavel hodi
"atende lalais situasaun emerjensia ruma, wainhira mosu dezastre naturais
ka inséndiu ruma".
Konsellu Interministerial ne’e
nu’udar "Órgaun Koordenasaun Nasionál ba órgaun sira no serbisu
administrasaun públika nian hodi halo prevensaun kona-ba risku koletivu
inerentes iha situasaun asidente grave no katástrofe", hodi halo protesaun
no ajuda ema no sasán iha perigu nia laran.
Estrutura ne'e sei responsavel ba
dezenvolvimentu no aprovasaun politika nasional protesaun sivíl, no mós
regulamentu sira ne'ebé nesesariu.
SAPO TL ho Lusa
Sem comentários:
Enviar um comentário